وزیراعظم شہباز شریف دی ایسوسی ایشن آف پاکستانی فزیشنز آف نارتھ امر یکا  کوں 46 ویں سالانہ کنونشن تے مبارخ

اسلام آباد۔6جولائی(اے پی پی) وزیر اعظم محمد شہباز شریف ایسوسی ایشن آف پاکستانی فزیشنز آف نارتھ امریکا  کوں ایندے 46 ویں سالانہ کنونشن تے مبارخ ݙتی اے ۔ آپݨے ھک ٹویٹ اچ وزیر اعظم شمالی امریکا  اچ رہݨ آلے پاکستانی نژاد ڈاکٹراں دی تنظیم دی پاکستان کیتے خدمات اتے پاک امریکا تعلقات استوار کرݨ دے عزم اتے ثابت قدمی دی تعریف کریندے ہوئیں آکھیے پاکستان اچ گزریل سال ݙراکلے سیلاب اتے کووڈ۔ 19 دی عالمگیر وبا دے بعد مثبت ردعمل دے اظہارتے وختی مدد تے تنظیم دے شکر گزار ہیسے۔ انہاں آکھیے آپ دی پیشہ ورانہ تے انسانی کامیابیاں تے فخر اے۔ وزیر اعظم محمد شہباز شریف ایسوسی ایشن آف پاکستانی فزیشنز آف نارتھ امریکا دے صدر ڈاکٹر ارشد ریحان اتے انہاں دے ٻئے ساتھی پاکستانی امریکی ڈاکٹراں کوں مبارخ ݙتی ۔