وزیراعظم شہباز شریف تورغر ۔بونیر شاہراہ،بونیر۔ کڑاکڑ رابطہ سرنگ اتے تورغر بونیر آر۔سی۔سی پُل  دا سنگ بنیاد رکھ ݙتا

تورغر ۔6جولائی(اے پی پی) وزیراعظم شہباز شریف تورغر ۔بونیر شاہراہ،بونیر۔ کڑاکڑ رابطہ سرنگ اتے تورغر بونیر آر۔سی۔سی پُل  دا سنگ بنیاد رکھ ݙتا۔ وزیراعظم محمد شہباز شریف  خیبر پختونخوا دے ضلع تور غر دا دورہ کیتے ۔ وزیراعظم کوں ضلع تورغر اچ مختلف ترقیاتی منصوبیں بارے بریفنگ ݙتی ڳئی۔  وزیراعظم تورغر ۔بونیر شاہراہ،بونیر۔ کڑاکڑ رابطہ سرنگ اتے تورغر بونیر آر۔سی۔سی پُل  داسنگ بنیاد رکھیا۔ وزیراعظم محمد شہباز شریف نال ایں موقع تے مقامی قبائلی عمائدین و مشران ملاقات کیتی۔ وفاقی وزیراطلاعات مریم اورنگزیب ، مشیروزیراعظم انجینئر امیر مقام اتے کیپٹن (ر) صفدروی ایں موقع تے موجود ہن ۔ عمائدین نال ڳالھ مہاڑ کریندے ہوئیں وزیراعظم آکھیے ضلع تور غر اچ سڑکاں، پلاں تے ٻئے منصوبیں دا سنگ بنیاد رکھݨ تں ضلع تور غر اچ  ترقی دا نواں دور شروع تھیسی ۔ انہاں آکھیے سابق وزیراعظم محمد نواز شریف اپݨےدور اچ اتھاں تاریخی منصوبے شروع کیتے۔ گزریل حکومت انہاں منصوبیں کوں سرد خانے اچ پاݙتا ، نواز شریف دے منصوبیں کوں اڳوں ودھایا ویسی بجٹ اچ رقم رکھی ڳئی اے ۔ وفاقی حکومت  منصوبیں کوں پورا کرݨ کیتے صوبے دی معاونت کریسی ۔ وزیراعظم کوں بونیر اچ وی مختلف ترقیاتی  منصوبیں تے بریفنگ  ݙتی ڳئی ۔ وزیراعظم محمد شہبا ز شریف ہدایت کیتی جو بونیر اتے تورغر دے ترقیاتی منصوبیں تے کم دی رفتار تکھی کیتی ونڄے تے انہاں کوں ترجیحی بنیاداں تے مکمل کیتا ونڄے۔