اسلام آباد۔6جولائی(اے پی پی) صدر مملکت ڈاکٹر عارف علوی آکھیے پاکستان قطر دے نال تجارت اتے سرمایہ کاری دے تعلقات کوں ودھاوݨ تے بھرپی آلے تعلقات کوں سانجھے فیدہ مند اقتصادی تعلقات اچ بدلݨ چاہندے ، پاکستان قطر نال توانائی دے شعبے اچ شراکت داری چاہندے تے معیشت دے مختلف شعبیں اچ قطر دی سرمایہ کاری دا خواہشمند اے۔ صدر مملکت اے ڳالھ پاکستان اچ قطر دے سبکدوش تھیوݨ …
پاکستان قطر نال تجارت اتے سرمایہ کاری دے تعلقات کوں ودھاوݨ تے بھرپی آلے تعلقات کوں سانجھے فیدہ مند اقتصادی تعلقات اچ بدلݨ چاہندے ،صدر ڈاکٹرعارف علوی
اسلام آباد۔6جولائی(اے پی پی) صدر مملکت ڈاکٹر عارف علوی آکھیے پاکستان قطر دے نال تجارت اتے سرمایہ کاری دے تعلقات کوں ودھاوݨ تے بھرپی آلے تعلقات کوں سانجھے فیدہ مند اقتصادی تعلقات اچ بدلݨ چاہندے ، پاکستان قطر نال توانائی دے شعبے اچ شراکت داری چاہندے تے معیشت دے مختلف شعبیں اچ قطر دی سرمایہ کاری دا خواہشمند اے۔ صدر مملکت اے ڳالھ پاکستان اچ قطر دے سبکدوش تھیوݨ آلے سفیر شیخ سعود بن عبدالرحمن فیصل الثانی نال ڳالھ مہاڑ کریندے ہوئیں آکھی جنہاں اتھاں ایوان صدر اچ انہاں دے نال ملاقات کیتی ۔ صدر قطر دی حکومت کوں پاکستانی تارکین وطن دی میزبانی تے تعریف کیتی تے ݙوہیں بھرا ملکاں واچل تکڑے پُل دا کم کریندے پئن۔ انہاں امید ظاہر کیتی جو قطر ہنر مند پاکستانی کارکناں دی تعداد کوں ودھسی تے پاکستان اچ مزید ویزہ سہولتاں کھولیسی ۔ صدر مملکت اسلام فوبیا دے خلاف کوششاں تے قطر دی قیادت دی تعریف کریندے ہوئیں مزید آکھیے عالم اسلام کوں دنیا اچ ودھدے ہوئے اسلام فوبیا دے خلاف اجتماعی کوششاں کرݨ دی لوڑھ اے۔ صدر مملکت سفیر کوں انہاں دے مستقبل کیتے نیک خواہشات دا اظہار کیتے تے پاکستان اَتے قطر وچال سانجھی دلچسپی دے شعبیں اچ تعاون کوں مزید تکڑا بݨاوݨ کیتے انہاں دے کردار دی تعریف کیتی۔
