سپیکر و ڈپٹی سپیکردا شانگلہ اچ مٹی دا بھِکل ڈھݨ پاروں 8 ٻالاں دی موت تے ݙکھ تے افسوس

اسلام آباد۔7جولائی(اے پی پی):سپیکر قومی اسمبلی راجہ پرویز اشرف اتے ڈپٹی سپیکر زاہد اکرم درانی خیبر پختونخوادے ضلع شانگلہ اچ مٹی دا بِھکل ڈھݨ پاروں 8 ٻالاں دی موت تے ݙکھ تے افسوس کیتے ۔ آپݨے انڄ انڄ تعزیتی پیغامات اچ انہاں ݙکھی خانداناں نال اظہار تعزیت کیتے تے آکھیے جو نشوم ٻالاں دا اچانک آپݨے خانداناں توں وچھڑ ونڄݨ ٻہوں وݙا سانحہ اے ، اٹھ ٻالاں دا جانی ضیان ݙکھی خاندان کیتے وݙا ݙکھ تے ناقابل تلافی نقصان اے جیں کوں مدتاں پورا نی کیتا ونڄ سڳدا ۔ݙکھے ویلھے ݙکھی خانداناں دے ݙکھ اچ برابر دے شریک ہیسے ۔ سپیکر و ڈپٹی سپیکر قومی اسمبلی اللہ تعالیٰ توں مرحومین دے اچے درجات تے ݙکھی خاندان کوں ایں ناقابل تلافی ضیان کوں برداشت کرݨ کیتے صبر دی دعا کیتی ۔