تعلیمی پروگرام کوں موقع  دے طورتے استعمال کرو، امریکا  دا دورہ کرݨ آلے طلبہ نال ملاقات اچ پاکستانی سفیردی ڳالھ مہاڑ

واشنگٹن۔24جولائی  (اے پی پی):امریکا اچ پاکستان دے سفیر مسعود خان  تعلیمی پروگرام دے تحت امریکا دا دورہ کرݨ آلے 25پاکستانی طلبہ تے مشتمل گروپ تے زور ݙتے جو او آپݨے ذہنی افق کوں ودھاوݨ تے نویں معلومات گھنݨ کیتے ایں تعلیمی پروگرام کوں ھک موقع  دے طور تے استعمال کرن۔  سٹڈی آف یو ایس انسٹی ٹیوٹس (ایس یو ایس آئی) پروگرام  دا مقصد پاکستان تے امریکا وچال مختلف ثقافتاں دے حامل لوکاں وچال ہم آہنگی  تے تعلیمی تعاون کوں ودھاوݨاں اے ۔ 5 ہفتے تے مشتمل اے سالانہ پروگرام 2010 اچ شروع کیتا ڳیا۔ پاکستانی سفیر آکھیے 1950 دی ݙھاکے توں گھن تے اڄ تئیں تعلیم دا شعبہ ݙوہیں ملکاں وچال ھک تکڑا ربط رہیے ، انہاں گزریل ݙیمھ طالبیں نال ملاقات اچ انہاں کوں مبارخ ݙیندے ہوئیں آکھیے انہاں دا انتخاب فخر دی ڳالھ اے، انہاں آکھیے اے معلومات اتے مہارتاں دے تبادلے دا عمل اے  تے تساں اتھوں ڳھدی ڳئی قابل قدر معلومات اپݨے ملک اچ گھن ویسو ۔ انہاں آکھیے دانشورانہ صلاحیتاں دی کوئی حد نی ہوندی تساں جیڑھے ماحول اچ کم کریندو تساڈے سنگتی تساڈے تجربے توں براہ راست فیدہ چیسن۔