صدر ڈاکٹرعارف علوی نال ایتھوپیا اچ پاکستان دے نامزد سفیر دی ملاقات

اسلام آباد۔24جولائی(اے پی پی):صدر مملکت ڈاکٹر عارف علوی ایتھوپیا نال تجارتی و اقتصادی رابطے کوں ودھاوݨ سودھے ݙوہیں ملکاں دی کاروباری برادریاں وچال رابطیں کوں سوکھا بݨاوݨ تے ودھاوݨ دی لوڑھ تے زور ݙیندے ہوئیں آکھیے پاکستان۔ایتھوپیا تعلقات سانجھی تاریخ، مفادات اتے بین الاقوامی فورمز تے سانجھی حمایت تے قائم ہن۔ ایوانِ صدر دے پریس ونگ توں جاری بیان موجب صدر مملکت اے ڳالھ ایتھوپیا اچ پاکستان دے نامزد سفیر میاں عاطف شریف نال ملاقات اچ آکھی اے ۔ انہاں سفیر تے زور ݙتے جو او پاکستانی مصنوعات دی درآمد کیتے ایتھوپیا دے تاجراں تئیں پڄ تے ایتھوپیا نال تجارتی حجم ودھاوݨ کیتے کم کرن ۔انہاں آکھیے ایتھوپیا نال تجارتی اتے اقتصادی رابطے کوں ودھاوݨ دی  لوڑھ اے، پاکستان تے ایتھوپیا دے کاروباری لوکاں واچل رابطیں کوں سوکھا تے بہتر بمایا ونڄے ، نامزد سفیر پاکستانی مصنوعات دی برآمد، ݙو پاسے تجارتی حجم ودھاوݨ کیتے کم کرن ۔ صدر مملکت ایتھوپیا نال تعلیم دے شعبے اچ تعاون اتے عوامی رابطے ودھاوݨ تے وی زور ݙتے تے آکھیے جو ایتھوپیا دے طلباء اپݨی مہارتاں ودھاوݨ کیتے ورچوئل یونیورسٹی، علامہ اقبال اوپن یونیورسٹی دے آن لائن ویڈیو تعلیمی مواد توں فیدہ چا سڳدن ۔