اسلام آباد۔14اگست (اے پی پی):انوار الحق کاکڑ ملک دے نگران وزیر اعظم دی حیثیت نال حلف چا ڳھدے ۔ نگران وزیر اعظم دی حلف برداری دی سادہ تے پروقار تقریب سنوار کوں اتھاں ایوان صدر اچ تھئی ۔ صدر مملکت ڈاکٹر عارف علوی انوار الحق کاکڑ توں نگران وزیر اعظم دے عہدے دا حلف ڳھدا ۔ حلف برداری دی تقریب اچ سکبدوش تھیوݨ آلے وزیر اعظم محمد شہباز شریف، …
انوار الحق کاکڑ ملک دے نگران وزیر اعظم دی حیثیت نال حلف چا ڳھدا، صدر مملکت ڈاکٹر عارف علوی انہاں توں حلف ڳھدا
اسلام آباد۔14اگست (اے پی پی):انوار الحق کاکڑ ملک دے نگران وزیر اعظم دی حیثیت نال حلف چا ڳھدے ۔ نگران وزیر اعظم دی حلف برداری دی سادہ تے پروقار تقریب سنوار کوں اتھاں ایوان صدر اچ تھئی ۔ صدر مملکت ڈاکٹر عارف علوی انوار الحق کاکڑ توں نگران وزیر اعظم دے عہدے دا حلف ڳھدا ۔ حلف برداری دی تقریب اچ سکبدوش تھیوݨ آلے وزیر اعظم محمد شہباز شریف، چیئرمین سینیٹ، سپیکر قومی اسمبلی، چیئرمین جوائنٹ چیفس آف سٹاف کمیٹی، ترائی مسلح افواج دے سربراہواں سودھے صوبائی گورنرز اتے وزرائے اعلی، سابق وزراء، سیاسی رہنماواں، پاکستان اچ متعین مختلف ملکاں دے سفیراں اتے ٻئی اہم شخصیات شرکت کیتی۔ صدر مملکت آئین دے آرٹیکل 224 (ون اے) دے تحت ہفتے کوں انوار الحق کاکڑدی بطور نگران وزیراعظم تقرری دی منظوری ݙتی ہئی ۔
