اسلام آباد۔15اگست(اے پی پی)نگراں وزیرِ اعظم انوار الحق کاکڑ ٹیکس محصولات ودھاوݨ کیتے اقدامات دے زور ݙیندے توانائی شعبے اچ جاری اصلاحات تے عملدرآمد تیکھا کرݨ، صحت و تعلیم دے شعبہ اچ عالمی معیار دیاں سہولتاں دی دہایت کیتی اے۔ او اسلام آباد اچ مختلف وزارتاں دے معاملیاں بارے اجلاس دی اڳواݨی کریندے پئے ہن جیندے اچ اعلیٰ سرکاری افسران، گورنر سٹیٹ بینک، سیکرٹری خزانہ، سیکرٹری توانائی اتے چیئرمین ایف …
ٹیکس محصولات ودھاوݨ، صحت و تعلیم اتے توانائی شعبے اچ اصلاحات کیتے فوری اقدامات کیتے ونڄن، نگراں وزیرِ اعظم انوار الحق کاکڑ
اسلام آباد۔15اگست(اے پی پی)نگراں وزیرِ اعظم انوار الحق کاکڑ ٹیکس محصولات ودھاوݨ کیتے اقدامات دے زور ݙیندے توانائی شعبے اچ جاری اصلاحات تے عملدرآمد تیکھا کرݨ، صحت و تعلیم دے شعبہ اچ عالمی معیار دیاں سہولتاں دی دہایت کیتی اے۔ او اسلام آباد اچ مختلف وزارتاں دے معاملیاں بارے اجلاس دی اڳواݨی کریندے پئے ہن جیندے اچ اعلیٰ سرکاری افسران، گورنر سٹیٹ بینک، سیکرٹری خزانہ، سیکرٹری توانائی اتے چیئرمین ایف بی آر شرکت کیتی۔ اجلاس اچ ملکی معیشت تکڑی کرݨ کیتے اقدامات اتے توانائی شعبے اچ اصلاحات دا ݙسایا ڳیا۔ نگراں وزیرِ اعظم ہدایت کیتی جو ملکی معاشی پالیسیاں دا تسلسل اتے جاری ترقیاتی منصوبیاں تے کم برقرار رکھیا ونڄے، خصوصی سرمایہ کاری سہولت کونسل دے تحت ملک اچ بیرونی سرمایہ کاری ودھاوݨ کیتے ترجیحات ہین۔ وزیراعظم آکھیا جو نگران حکومت معیشت دی بہتری کیتے ڈی ریگولیشن اتے ذمہ دار خود مختاری تے توجہ ݙیسی، سارا زور معیشت دی اصلاح تے لایا ویسی۔
