صدر مملکت دی میڈیا ورکرز، صحافی برادری کوں پیمرا ترمیمی بل تے حمایت دی یقین دہانی

اسلام آباد۔15اگست(اے پی پی):صدر مملکت ڈاکٹر عارف علوی میڈیا ورکرز اتے صحافی برادری کوں پاکستان الیکٹرانک میڈیا ریگولیٹری اتھارٹی (پیمرا) ترمیمی بل 2023 کیتے حمایت دا یقین ݙیوائے۔ او پاکستان فیڈرل یونین آف جرنلسٹس (پی ایف یو جے)، آل پاکستان نیوز پیپرز سوسائٹی (اے پی این ایس)، پاکستان براڈ کاسٹرز ایسوسی ایشن (پی بی اے)، کونسل آف پاکستان نیوز پیپر ایڈیٹرز (سی پی این ای) اتے ایسوسی ایشن آف الیکٹرانکس میڈیا ایڈیٹرز اینڈ نیوز ڈائریکٹرز (ایمنڈ)دے نمائندہ وفد نال الیندے پئے ہن۔ وفد اچ افضل بٹ، ارشد انصاری، ناز آفرین سہگل، سرمد علی، شہاب زبیری، شکیل مسعود، اعجاز الحق، کاظم خان، ایاز خان اتے اظہر عباس شامل ہن۔ صدر مملکت آکھیا جو پیمرا قانون اچ ترامیم نال سرکاری اشتہارات الیکٹرانک میڈیا ملازمین دے واجبات دی ادائیگی نال جوڑݨ اتے انہاں دے مسائل دے حل اچ مدد ملسی، ترمیمی بل موجودہ میڈیا قانون اچ بہتری ڳھن آئے، میڈیا رضاکارانہ طور تے نوجواناں کوں فیک نیوز، ڈس انفارمیشن دا ݙساؤے، نینگراں خاص کر ٻالاں کوں ایندے برے اثرات بارے آڳاہی ݙیوݨ دی لوڑھ اے۔ انہاں آکھیا جو اے میڈیا دی ذمہ داری اے جو او لوکاں کوں اخلاقیات، سوشل میڈیا دے ذمہ دارانہ و تعمیری استعمال دا ݙساوے۔