اسلام آباد۔15اگست(اے پی پی)نگران وزیرِ اعظم انوار الحق کاکڑ آکھیے جو کہیں وی ملک دی ترقی کیتے بہترین انفراسٹرکچر اہم ہوندے، این ایچ اے سڑکاں دی تعمیر و نگرانی کیتے اہم کم کریندی پئی اے، بیرونی سرمایہ کاری آلے متوقع علاقیاں اچ روڈ انفراسٹرکچر ترجیحی بنیاداں تے بہتر کرݨ دی لوڑھ اے، اے ڳآلھ انہاں اسلام آباد اچ مختلف وزارتاں دے اہم امور بارے اجلاس دی اڳواݨی کریندے آکھی۔ وزیرِ …
نگران وزیرِ اعظم انوار الحق کاکڑ دی اڳواݨی اچ مختلف وزارتاں دے اہم امور دا اجلاس
اسلام آباد۔15اگست(اے پی پی)نگران وزیرِ اعظم انوار الحق کاکڑ آکھیے جو کہیں وی ملک دی ترقی کیتے بہترین انفراسٹرکچر اہم ہوندے، این ایچ اے سڑکاں دی تعمیر و نگرانی کیتے اہم کم کریندی پئی اے، بیرونی سرمایہ کاری آلے متوقع علاقیاں اچ روڈ انفراسٹرکچر ترجیحی بنیاداں تے بہتر کرݨ دی لوڑھ اے، اے ڳآلھ انہاں اسلام آباد اچ مختلف وزارتاں دے اہم امور بارے اجلاس دی اڳواݨی کریندے آکھی۔ وزیرِ اعظم کوں نیشنل ہائی وے اتھارٹی دے جاری ترقیاتی منصوبیاں تے تفصیلی بریفنگ ݙتی گئی۔ اجلاس اچ کوئٹہ-سکھر ہائی وے تے پنجرا پُل اتے کوئٹہ ژوب-شاہرہ تے سوار پُل تے کم بارے تفصیل ݙسائی ڳئی۔ وزیرِ اعظم جاری منصوبے ویلھے تے مکمل کرݨ اتے مجوزہ منصوبیاں تے بریفنگ دی تیاری دی ہدایت کیتی۔ وزیراعظم آکھیا جو بلوچستان اچ روڈ انفراسٹرکچر تے خصوصی توجہ ݙتی ونڄے، کراچی تا چمن شاہراہ دی نویں تعمیر کیتی ونڄے، بلوچستان دیاں ٻنھاں صوبیاں دی رابطہ سڑکاں کوں بہتر کیتا ونڄے جو لوکاں دا جیوݨ سوکھا تھیوے۔
