اسلام آباد۔16اگست (اے پی پی) نگراں وزیراعظم انوار الحق کاکڑ پاکستان دے معاشی استحکام اتے ترقی کیتے سعودی حکومت دی مسلسل حمایت تے شکریہ ادا کریندیں ہوئیں آکھیا جو خصوصی سرمایہ کاری سہولت کونسل خصوصی طور سعودی عرب توں غیر ملکی سرمایہ کاری کوں تیز کرݨ دا منڈھ بدھیسی۔ بدھ کوں وزیراعظم آفس دے میڈیا ونگ توں جاری بیان موجب نگران وزیراعظم انوار الحق کاکڑ نال سعودی عرب دے سفیر …
نگراں وزیراعظم انوار الحق کاکڑ نال سعودی سفیر نواف بن سعید احمد المالکی دی ملاقات
اسلام آباد۔16اگست (اے پی پی) نگراں وزیراعظم انوار الحق کاکڑ پاکستان دے معاشی استحکام اتے ترقی کیتے سعودی حکومت دی مسلسل حمایت تے شکریہ ادا کریندیں ہوئیں آکھیا جو خصوصی سرمایہ کاری سہولت کونسل خصوصی طور سعودی عرب توں غیر ملکی سرمایہ کاری کوں تیز کرݨ دا منڈھ بدھیسی۔ بدھ کوں وزیراعظم آفس دے میڈیا ونگ توں جاری بیان موجب نگران وزیراعظم انوار الحق کاکڑ نال سعودی عرب دے سفیر نواف بن سعید احمد المالکی ملاقات کیتی۔ سعودی سفیر وزیراعظم کوں عہدہ سنبھالݨ تے مبارخ ݙتی اتے خادم حرمین شریفین ،ولی عہد شہزادہ محمد بن سلمان اتے سعودی عرب دی عوام ولوں نیک خواہشات اتے مبارخ ݙتی۔ نگران وزیراعظم انوار الحق کاکڑ آکھیا جو پاکستان اتے سعودی عرب وچال تاریخی اتے ڳھاٹے تعلقات ہن۔ سعودی سفیر ایں ڳالھ دا اعادہ کیتا جو سعودی عرب اتے پاکستان ہک برادرانہ رشتے اچ جڑین جئیں دی خصوصیت آپسی اعتماد اتے سانجھے فائدے دے سارے ݙوپاسہ اتے علاقائی معاملیاں تے تعاون اے۔
