نگراں وزیر اعلی محسن نقوی دا سندر روڈ رائے ونڈ اچ بݨائے ڳئے شہر خموشاں دا دورہ

لاہور۔3ستمبر(اے پی پی) نگراں وزیر اعلی پنجاب محسن نقوی اتوار کوں سندر روڈ رائے ونڈ اچ بݨاعے ڳئے شہر خموشاں دا دورہ کیتے۔ وزیراعلیٰ محسن نقوی شہر خموشاں اچ تجہیز تے تدفین کیتے ݙتیاں ونڄݨ آلیاں سہولتاں دا جائزہ ڳھدے اتے انتظار گاہ وضوخانہ، جنازگاہ اتے ایمبولینس دا معائنہ کیتے۔وزیراعلی آکھیے شہر خموشاں اچ تجہیز تے تدفین کیتے منظم انداز اچ سہولتاں ݙتیاں ڳئن ، سندر روڈ رائے ونڈ دی طرز تے ٻئے شہراں اچ وی شہر خموشاں بݨائے ویسن ، جدید قبرستاناں دا قیام آبادی ودھݨ دے نال ویلھے دا تقاضا اے،  شہرخموشاں اچ جدید قبرستان دے حوالے نال سارے تقاضے پورے کیتے ڳئن ۔بریفنگ اچ ݙسایا ڳئے سندر روڈ، رائے ونڈ تے 127کنال زمین تے ماڈل قبرستان بݨایا ڳئے، ماڈل قبرستان اچ چاردیواری، جنازہ گاہ اتے وضو خانے دے نال ایمبولینس وی ݙتی ڳئی اے ، ماڈل قبرستان اچ 12ہزارتوں ودھ قبراں دی گنجائش رکھی گئی اے،  ماڈل قبرستاناں اچ تجہیز تے تدفین دی فیس 10ہزار توں گھٹ کرتے 3500کر ݙتی ڳئی اے ۔ شہری ماڈل قبرستان اچ ایمبولینس سروس  گھنݨ کیتے 1190  تے رابطہ کرسڳدن ۔ ڈی جی خان، فیصل آباد، شیخوپورہ، رحیم یار خان اتے ساہیوال اچ وی ماڈل قبرستان بݨائے ویندے پئن ۔ سیکرٹری لوکل گورنمنٹ شہر خموشاں بارے بریفنگ ݙتی ۔ صوبائی وزیر اطلاعات و لوکل گورنمنٹ عامر میر، چیف سیکرٹری، سیکرٹری بلدیات، سیکرٹری تعمیرات و مواصلات، سیکرٹری اطلاعات، کمشنر لاہور ڈویژن، ڈپٹی کمشنر، ڈی جی شہر خموشاں اتھارٹی اتے متعلقہ حکام وی ایں موقع تے موجود ہن ۔