اسلام آباد۔5ستمبر (اے پی پی):نگران وزیراعظم انوار الحق کاکڑ پی آئی اے دی تنظیم نو کیتے تفصیلی پلان اقتصادی رابطہ کمیٹی اچ پیش کرݨ دی ہدایت کریندے آکھیے جو ملک دے دورپار تے پسماندہ علاقیاں دا ٻئے شہراں نال فضائی رابطہ بہتر کرݨ دے اقدامات کیتے ونڄن، پروازاں دے اوقات کار مسافراں دی سہولت دے مطابق رکھیے ونڄن۔ او اسلام آباد اچ پاکستان انٹرنیشنل ایئر لائنز بارے اعلیٰ سطح اجلاس …
ملک دے دورپار تے پسماندہ علاقیاں دا ٻئے شہراں نال فضائی رابطہ بہتر کرݨ دے اقدامات کیتے ونڄن، نگران وزیراعظم دی ہدایت
مزید خبراں
اسلام آباد۔5ستمبر (اے پی پی):نگران وزیراعظم انوار الحق کاکڑ پی آئی اے دی تنظیم نو کیتے تفصیلی پلان اقتصادی رابطہ کمیٹی اچ پیش کرݨ دی ہدایت کریندے آکھیے جو ملک دے دورپار تے پسماندہ علاقیاں دا ٻئے شہراں نال فضائی رابطہ بہتر کرݨ دے اقدامات کیتے ونڄن، پروازاں دے اوقات کار مسافراں دی سہولت دے مطابق رکھیے ونڄن۔ او اسلام آباد اچ پاکستان انٹرنیشنل ایئر لائنز بارے اعلیٰ سطح اجلاس اچ الیندے پئے ہن۔ اجلاس اچ نگران وفاقی وزیر خزانہ ڈاکٹر شمشاد اختر، مشیر نگران وزیراعظم ہوا بازی ایئر مارشل(ریٹائرڈ) فرحت حسین، مشیر نگران وزیراعظم احد چیمہ اتے متعلقہ سرکاری افسران شرکت کیتی۔ اجلاس اچ پی آئی اے دی کارکردگی تے مسلیاں تے تفصیلی بریفنگ ݙتی ڳئی۔ نگران وزیر اعظم آکھیے جو پی آئی اے کوں ول بہترین ادارہ ٻݨآوݨ کیتے پی آئی اے مینجمنٹ اتے ہوا بازی ڈویژن ݙینھ رات کم کرن، پی آئی اے دی ری سٹرکچرنگ دا تفصیلی پلان تیکھے اقتصادی رابطہ کمیٹی اچ پیش کیتا ونڄے۔
