کشمیری عوام تے ظلم کئی ڈھاکیاں توں اے، جبر ودھݨ دے باوجود کشمیریاں اچ آزادی دی تڑپ اتے جذبہ جیندا اے، دنیا دی کوئی طاقت ایں جذبت کوں نی ختم کر سڳدی، نگران وفاقی وزیر اطلاعات مرتضیٰ سولنگی دا ریلی توں خطاب

اسلام آباد۔27اکتوبر  (اے پی پی) نگران وفاقی وزیر اطلاعات تے نشریات مرتضیٰ سولنگی آکھیا جو کشمیری عوام تے ظلم کئی ڈھاکیاں توں اے، جبر ودھݨ دے باوجود کشمیریاں اچ آزادی دی تڑپ اتے جذبہ جیندا اے، دنیا دی کوئی طاقت ایں جذبت کوں نی ختم کر سڳدی۔ ہندوستان 27 اکتوبر 1947ءکو ں بھارت دے غیر قانونی زیر تسلط  جموں تے کشمیر تے غیر قانونی قبضہ کیتے، بھارت اقوام متحدہ دی سلامتی کونسل دی قرارداداں دی شدید خلاف ورزی کیتی اے۔ اے ڳالھیں انہاں جمعے کوں بھارت دے غیر قانونی قبضے اچ جموں تے کشمیر دی عوام نال یکجہتی کیتے کݙھی ڳئی ریلی توں خطاب کریندیں ہوئیں آکھی۔  نگران وفاقی وزیر اطلاعات آکھیا جو بھارت دے غیر قانونی  قبضے اچ جمو ں تے  کشمیردی عوام تے ظلم دی تاریخ 177 سال پراݨی اے۔ ایں توں پہلے نگران وفاقی وزیر اطلاعات کالے ݙینھ دے موقع تے کشمیری عوام نال یکجہتی کیتے کݙھی ڳئی ریلی اچ شریک تھیے۔ ریلی وزارت خارجہ توں شروع تھئی اتے ڈی چوک اچ مُک ڳئی۔ ریلی اچ وفاقی سیکرٹری اطلاعات ظہور احمد وی شریک تھیے۔