مقبوضہ کشمیر دی صورتحال تے ڄڳ دی چپ دا کوئی جواز کائنی، نگران وزیر اعلیٰ پنجاب محسن نقوی

نگران وزیراعلیٰ پنجاب محسن نقوی آکھیے جو مقبوضہ کشمیر دی روز وڳڑدی صورتحال تے ڄڳ دی چپ دا کوئی جواز کائنی۔ مقبوضہ کشمیر اچ بھارتی جارحیت دے خلاف یوم سیاہ تے انہاں اپݨے سنیہے اچ آکھیے جو بھارتی بربریت برداشت کرݨ آلے کشمیریاں کوں سلام پیش کرینداں اتے شہیداں کوں خراج عقیدت، لکھاں بھارتی فوجیاں کشمیریاں کوں حراست اچ ڳھدا ہوئے اتے بیگناہ کشمیری اپݨے ہی گھراں اچ قید ہین۔ انہاں آکھیا جو غیر انسانی محاصرے، کشمیریاں تے زورزبردستی اتے تشدد نال آر ایس ایس دی مکروہ سوچ ڄڳ دے اڳو بے نقاب تھی ڳئی اے، کشمیریاں دا جذبہ انہاں کوں آزادی ݙیوا تے رہسی ڄیڑھا انہاں دا پہلا حق اے، عالمی میڈیا اتے انسانی حقوق دی تنظیماں کشمیریاں کیتے آواز چاون۔