الیکشن کمیشن عوام دی سہولت سانڳے 27 اکتوبر 2023 کوں حلقہ بندیاں تے اعتراضات دا  ٹائم ودھا تے رات 12 وخء تئیں کرݙتا ہئی

اسلام آباد۔28اکتوبر(اے پی پی):الیکشن کمیشن عوام دی سہولت سانڳے 27 اکتوبر 2023 کوں حلقہ بندیاں تے اعتراضات دا  ٹائم ودھا تے رات 12  وڄے تئیں کرݙتا ہئی ۔ ترجمان الیکشن کمیشن  موجب الیکشن کمیشن کوں سارے صوبیں تے اسلام آباد کیتے جیڑھے اعتراضات جمع کرائے ڳئے ہن۔ انہاں دی تفصیل موجب پنجاب اچ 672  ، سندھ 228 ،خیبرپختونخوا 293 ،بلوچستان 124 اتے اسلام آباد اچ 7 اعتراضات جمع تھئن ۔مجموعی طورتے 1324 اعتراضات جمع تھئن جیں تے الیکشن کمیشن یکم نومبر 2023  توں سماعت شروع کرݙیسی ۔ سماعت کیتے بنچ بݨا ݙتے ڳئن۔یکم اتے 2 نومبر دی سماعت کیتے اعتراض کنندگان کوں نوٹس بھیج ݙتے ڳئن ۔ سارےاعتراضات دی سماعت دے بعد 30 نومبر کوں حلقہ بندیاں دی حتمی اشاعت کر ݙتی ویسی۔