اسلام آباد۔28اکتوبر(اے پی پی)سپیکر قومی اسمبلی راجہ پرویز اشرف اسرائیلی فورسز دی غزہ تے بری، بحری اتے فضائی حملیں دی مذمت کریندے ہوئیں آکھیے جو فلسطینی عوام نال مکمل یکجہتی دا اظہار کیتے اتے آکھیے جو غزہ اچ خوراک دی قلت اتے ہسپتالاں اچ ایندھن دی بندش نال سنگین انسانی بحران پیدا تھی چکیے ، انسانی حقوق دی علمبردار عالمی تنظیماں تے زور ݙتے جو او غزہ اچ انسانی …
سپیکر قومی اسمبلی دی اسرائیلی فورسز دی غزہ تے بری، بحری اتے فضائی حملیں دی مذمت
مزید خبراں
اسلام آباد۔28اکتوبر(اے پی پی)سپیکر قومی اسمبلی راجہ پرویز اشرف اسرائیلی فورسز دی غزہ تے بری، بحری اتے فضائی حملیں دی مذمت کریندے ہوئیں آکھیے جو فلسطینی عوام نال مکمل یکجہتی دا اظہار کیتے اتے آکھیے جو غزہ اچ خوراک دی قلت اتے ہسپتالاں اچ ایندھن دی بندش نال سنگین انسانی بحران پیدا تھی چکیے ، انسانی حقوق دی علمبردار عالمی تنظیماں تے زور ݙتے جو او غزہ اچ انسانی زندگیاں بچاوݨ سانڳے اقدامات کرن۔ قومی اسمبلی سیکرٹریٹ توں جاری بیان موجب سپیکر قومی اسمبلی آکھیے اسرائیل دے جارحانہ جنگی اقدامات فلسطینیاں دی نسل کشی دے مترادف اے، غزہ اچ مکمل بلیک آؤٹ اتے پوری رات اسرائیل دی شدید بمباری ناقابلِ برداشت اے، اسرائیل غزہ کوں قبرستان بݨا ݙتے ۔ اسرائیل مسلسل عالمی قوانین دی خلاف ورزی اتے جنگی جرائم دا مرتکب تھیندا پئے ۔ انہاں آکھیے دنیا دے ٻہوں سارے ملکاں دی طرفوں اسرائیل دے جنگی جنون دی مذمت اتے پوری دنیا اچ بھرپور احتجاج دے باوجود اسرائیلی ظلم اچ کوئی کمی نی آندی پئی ۔ سپیکر قومی اسمبلی اقوام متحدہ دی سلامتی کونسل دے اجلاس اچ غزہ اچ جنگ بندی تے قرارداد دی منظوری دا خیر مقدم کیتے تے آکھیے جو اقوام متحدہ غزہ اچ جنگ بندی کیتے قراداد تے وختی عمل درآمد کراوے ۔
