اسلام آباد۔28اکتوبر(اے پی پی) وفاقی وزیر نیشنل ہیلتھ سروسز ریگولیشنز اینڈ کوآرڈینیشن ڈاکٹر ندیم جان آکھیے جو فارما انڈسٹری دوائیں دی ودھدی ہوئی طلب کوں پورا کرݨ تے برآمدات وھاوݨ اچ اہم کردار ادا کریندی پئی اے ۔ لہذا حکومت ایں صنعت دے اہم مسئلے حل کرݨ دی ہر ممکن کوشش کریسی تاں جو اینکوں مزید تکڑا بݨایا ونڄ سڳے ۔ انہاں آکھیے حکومت پبلک تے پرائیویٹ پارٹنرشپ دے …
فارماسوٹیکل انڈسٹری دی ترقی سانڳے فارما پارک قائم کرݨ تے کم کریندے پیوں ، ڈاکٹر ندیم جان
مزید خبراں
اسلام آباد۔28اکتوبر(اے پی پی) وفاقی وزیر نیشنل ہیلتھ سروسز ریگولیشنز اینڈ کوآرڈینیشن ڈاکٹر ندیم جان آکھیے جو فارما انڈسٹری دوائیں دی ودھدی ہوئی طلب کوں پورا کرݨ تے برآمدات وھاوݨ اچ اہم کردار ادا کریندی پئی اے ۔ لہذا حکومت ایں صنعت دے اہم مسئلے حل کرݨ دی ہر ممکن کوشش کریسی تاں جو اینکوں مزید تکڑا بݨایا ونڄ سڳے ۔ انہاں آکھیے حکومت پبلک تے پرائیویٹ پارٹنرشپ دے ذریعے ھک فارما پارک دے قیام کیتے کم کریندی پئی اے جیں اچ فارما کمپنیاں کوں دوائیں دے خام مال دی مقامی پیداوار ودھاوݨ دے نال نال ملک اچ نویں مالیکیولز دی مقامی پیداوار کیتے مراعات ݙتیاں ویسن ۔ انہاں آکھیے او فارماسیوٹیکل سیکٹر اچ جدید ٹیکنالوجی دی منتقلی سانڳے دوست ملکاں نال رابطے اچ ہن ۔ اے ڳالھ انہاں اسلام آباد چیمبر آف کامرس اینڈ انڈسٹری دے ھک وفد نال ملاقات اچ آکھی اے ،جیں اچ چیمبر دے صدر احسن ظفر بختاوری دی قیادت اچ انہاں نال ملاقات کیتی تے فارما انڈسٹری دے اہم مسئلیں دا انہاں کوں ݙسائے ۔ڈاکٹر ندیم جان آکھیے حکومت ڈیجیٹلائزیشن کوں ودھارا ݙے تے ملک اچ صحت دے مجموعی نظام کوں جدید رجحانات نال جوڑݨ دا ارادہ رکھیندی اے ۔
