ہر جماعت کوں انتخابات اچ حصہ ڳھنݨ دا پورا حق اے، ملک اچ معاشی استحکام ٻہوں ضروری اے، پاکستان دے اکمانک ایجنڈے کوں کہیں صورت متاثر نی تھیوݨا چاہیدا، نگران وفاقی وزیر اطلاعات مرتضیٰ سولنگی دی سینیٹر سلیم مانڈوی والا نال ڳالھ مہاڑ

اسلام آباد۔31اکتوبر  (اے پی پی) نگران وفاقی وزیر اطلاعات تے نشریات مرتضیٰ سولنگی آکھیا جو ہر جماعت کوں  انتخابات اچ حصہ ڳھنݨ دا پورا حق اے، ملک اچ معاشی استحکام ٻہوں ضروری اے، پاکستان دے اکمانک ایجنڈے کوں کہیں صورت متاثر نی تھیوݨا چاہیدا۔ اے ڳالھیں انہاں منگل کوں پاکستان پیپلز پارٹی دے رہنما سینیٹر سلیم مانڈوی والا نال ملاقات اچ ڳالھ مہاڑ کریندیں ہوئیں آکھی۔ ملاقات اچ آندے انتخابات سودھے ملک دی سیاسی تے معاشی صورتحال تے ڳالھ تھئی۔ نگران وفاقی وزیر اطلاعات آکھیا جو انتخابات کراوݨ دی ذمہ واری الیکشن کمیشن دی اے۔ نگران حکومت انتخابات کراوݨ اچ الیکشن کمیشن نال ہر تعاون کریسی۔