اسلام آباد۔1نومبر(اے پی پی) نگران وفاقی وزیر وفاقی تعلیم و پیشہ وارانہ تربیت مدد علی سندھی نال پاکستان اچ جمہوریہ ترکیہ دے سفیر مہمت پچاچی دی سربراہی اچ ھک اعلیٰ اختیاراتی وفد انہاں دے دفتر اچ ملاقات کیتی ۔وفاقی وزیر مدد علی سندھی وفد دا خیرمقدم کریندے ہوئیں ݙوہیں ملکاں دا ثقافتی، لسانی اتے عوام وچال ھک ݙوجھے نال محبت دا رشتہ اے۔ انہاں ووکیشنل اتے ٹیکنیکل ٹریننگ دے …
نگران وفاقی وزیر مدد علی سندھی نال ترکیہ دے سفیر دی سربراہی اچ اعلیٰ اختیاراتی وفد دی ملاقات
مزید خبراں
اسلام آباد۔1نومبر(اے پی پی) نگران وفاقی وزیر وفاقی تعلیم و پیشہ وارانہ تربیت مدد علی سندھی نال پاکستان اچ جمہوریہ ترکیہ دے سفیر مہمت پچاچی دی سربراہی اچ ھک اعلیٰ اختیاراتی وفد انہاں دے دفتر اچ ملاقات کیتی ۔وفاقی وزیر مدد علی سندھی وفد دا خیرمقدم کریندے ہوئیں ݙوہیں ملکاں دا ثقافتی، لسانی اتے عوام وچال ھک ݙوجھے نال محبت دا رشتہ اے۔ انہاں ووکیشنل اتے ٹیکنیکل ٹریننگ دے حوالے نال مہارت تے علم دے تبادلے تے ڳالھ مہاڑ کیتی ۔ انہاں آکھیے جو ݙوہیں ملک ھک ݙوجھے دے تجربے توں فیدہ چا سڳدن ۔ انہاں ݙوہیں ملکاں وچال پراݨے بھرپی آلے تعلقات کوں منیے تے ایندی تعریف کیتی ۔مدد علی سندھی استاداں تے طلبا دے تبادلے دا خیرمقدم کیتے تے خاص طور تے ہنر مند پیشہ وارانہ تربیت کیتے سانجھے تعاون کوں مزید ودھارا ݙتا ونڄے ۔ وفاقی وزیر آکھیے قائداعظم یونیورسٹی تے ٻئی یونیورسٹیاں ترک یونیورسٹیاں دے پروفیسرز کوں سانجھی دلچسپی دے موضوعات تے تحقیق کرݨ سانڳے ریسرچ فیلو شپ دی پیشکش کریسن ۔
