الیکشن کمیشن عام انتخابات 8 فروری 2024 کوں کراوݨ دا نوٹیفکیشن جاری کرݙتے

اسلام آباد۔3نومبر(اے پی پی) الیکشن کمیشن آف پاکستان قومی اسمبلی اتے صوبائی اسمبلیاں دے عام انتخابات 8 فروری 2024 کوں کراوݨ دا نوٹیفکیشن جاری کرݙتے ۔ جاری تھیوݨ آلے نوٹیفکیشن اچ آکھیا ڳئے جو سپریم کورٹ دے حکم موجب الیکشن کمیشن آف پاکستان صدر مملکت نال مشاورت دے بعد آئینی اختیارات کوں استعمال کریندے ہوئیں 8 فروری 2024 کوں ملک اچ قومی اسمبلی، پنجاب، سندھ، خیبرپختونخوا اتے بلوچستان دی صوبائی اسمبلیاں دے عام انتخابات کیتے پولنگ دی تاریخ دے طور تے اعلان کریندے۔