شرپسند عناصرداکوئی مذہب نی ہوندا ،اے کہیں قسم دی رعایت دے مستحق کائنی ، نگران وزیر داخلہ سرفراز بگٹی

اسلام آباد۔3نومبر(اے پی پی):نگران وزیر داخلہ سرفراز احمد بگٹی  ڈیرہ اسماعیل خان ٹانک اݙے تے پولیس وین دے نیڑے دھماکے دی شدید مذمت  کریندے ہوئیں آکھیے جو شرپسند عناصر دا کوئی مذہب نی ہوندا ، اے کہیں قسم دی رعایت دے مستحق کائنی، شرپسنداں دی ملک اچ افراتفری کھنڈاوݨ دی مذموم سازش ناکام بݨیسن، شرپسندی تے دہشت گردی  کوں پوری طاقت نال کچل تے دم گھنسوں۔ آپݨے ھک بیان اچ انہاں قیمتی جاناں دے ضیان تے ݙکھ تے لواحقین نال تعزیت کیتی ۔ وزیر داخلہ  دھماکے اچ زخمی تھیوݨ آلے لوکاں نال وی اظہار ہمدردی کیتے اتے وختی صحد دی دعا منگی ۔ انہاں آکھیے پولیس سودھے قانون نافذ کرݨ آلے ادارے دہشت گردی دے خلاف برسر پیکار ہن ، پوری قوم دہشت گردی مکاوݨ کیتے ھک مٹھ اے ۔