توانائی دی شعبے دی بہتری کیتے مؤثر اقدامات جاری، انرجی مکس وٹا تے 60 فیصد بجلی توانائی دے متبادل ذرائع نال ٻݨائی ویسی، نگران وفاقی وزیر توانائی محمد علی

اسلام آباد۔7نومبر (اے پی پی):نگران وفاقی وزیر برائے توانائی محمد علی آکھیے جو توانائی دی شعبے دی بہتری کیتے مؤثر اقدامات جاری، انرجی مکس وٹا تے 60 فیصد بجلی توانائی دے متبادل ذرائع نال ٻݨائی ویسی، قابل تجدید توانائی منصوبیاں تے کم تیکھا تھیندا پئے۔ اے ڳالھ انہاں سالانہ تکنیکی کانفرنس اتے آئل شو2023 اچ خطاب کریندے آکھی۔ انہاں آکھیا جو حکومت متبادل توانائی نال بجلی ٻݨاوݨ کیتے ہائیڈرو، ونڈ اتے سولر ذراعع تے توجہ ݙتی ویسی تاں جو بجلی دی بچت تھیوے اتے بجلی سستی ملے، ایں سانڳے سرمایہ کاری کیتے کوششاں تھینداں پن۔ انہاں آکھیا جو اساں 30 فیصد گاݙیاں کوں بجلی تے منتقل کرݨ دا منصوبہ ٻݨائے جو الیکٹرک گاݙیاں متعارف کرایاں ونڄن، ایندے نال بچت اتے ماحولیاتی مسائل حل کرݨ اچ مدد ملسی۔