پاکستانی پرچم کوں آذربائیجان دے عوام پاکستانی بھراویں تے بھیݨاں دے احترام تے تشکر دی علامت دے طور تے لہرائے آذربائیجان دے سفیر خضر فرہادوف دا ملکی وکٹری ڈے دے موقع تے تقریب توں خطاب

اسلام آباد۔8نومبر  (اے پی پی):آذربائیجان دے سفیر خضر فرہادوف آکھیے جو آذربائیجان دے عوام پاکستانی پرچم کوں آذربائیجان تے ترکی دے جھنڈیں نال پاکستانی بھیݨ بھراواں دے احترام تے تشکر دی علامت دے طور تے لہرائے ۔ اے ڳالھ انہاں آذربائیجان دے وکٹری ڈے دے موقع تے منعقدہ تقریب توں خطاب کریندے ہوئیں آکھی اے ۔ نگراں وفاقی وزیر اطلاعات و نشریات مرتضیٰ سولنگی تقریب اچ مہمان خصوصی دی حیثیت نال شرکت کیتی۔ تقریب اچ  مختلف ملکاں دے سفیراں، زندگی دے مختلف شعبیں نال تعلق رکھݨ آلی اہم شخصیات اتے صحافیاں وݙی تعداد اچ شرکت کیتی ۔ سفیر آپݨے خطاب اچ آکھیے جمہوریہ آذربائیجان اچ ہر سال 8 نومبر کوں یوم فتح دے طور تے منایا ویندے ،3 سال پہلے آذربائیجان اپݨے علاقیں کوں آرمینیائی قبضے توں آزاد کرائے تے آپݨی علاقائی سالمیت کوں بحال کیتے۔ خضر فرہادوف آکھیے اساں آپݨے شہدا کوں دلوں خراج عقیدت پیش کریندوں جنہاں ملک دی آزادی، خودمختاری اتے علاقائی سالمیت کیتے آپݨیاں قیمتی جاناں ݙتن ، آرمینیا تقریباً 30 سال تئیں آذربائیجان دے20 فیصد علاقیں کوں آپݨے قبضے اچ رکھیا۔