اسلام آباد۔8نومبر(اے پی پی):نگران وفاقی وزیر اطلاعات و نشریات مرتضیٰ سولنگی اتے پاکستان اچ سعودی عرب دے سفیر نواف سعید المالکی پاکستان اتے سعودی عرب وچال میڈیا تے مواصلات دے شعبے اچ طے شدہ معاہدیں تے عمل درآمد دی رفتار تکھی کرݨ تے اتفاق کیتے ۔پاکستان اتے سعودی عرب وچال میڈیا، ڈرامہ، سودھے بئے متعلقہ شعبیں اچ تعاون مزید وسیع کرݨ تے وی اتفاق کیتے۔ جاری بیان موجب پاکستان …
نگران وفاقی وزیر اطلاعات و نشریات مرتضیٰ سولنگی نال سعودی سفیر نواف سعید المالکی دی ملاقات ،میڈیا اتے مواصلات دے شعبے اچ معاہدیں تے عمل درآمد تکھا کرݨ تے اتفاق
مزید خبراں
اسلام آباد۔8نومبر(اے پی پی):نگران وفاقی وزیر اطلاعات و نشریات مرتضیٰ سولنگی اتے پاکستان اچ سعودی عرب دے سفیر نواف سعید المالکی پاکستان اتے سعودی عرب وچال میڈیا تے مواصلات دے شعبے اچ طے شدہ معاہدیں تے عمل درآمد دی رفتار تکھی کرݨ تے اتفاق کیتے ۔پاکستان اتے سعودی عرب وچال میڈیا، ڈرامہ، سودھے بئے متعلقہ شعبیں اچ تعاون مزید وسیع کرݨ تے وی اتفاق کیتے۔ جاری بیان موجب پاکستان اچ سعودی عرب دے سفیر نگراں وزیر اطلاعات نال ملاقات کیتی ۔ملاقات اچ وزیراعظم دے بین المذاہب ہم آہنگی کیتے نمائندہ خصوصی علامہ طاہر محمود اشرفی وی موجود ہن۔ملاقات اچ سانجھی دلچسپی دے امور تے ڳالھ مہاڑ کیتی ڳئی ۔ملاقات اچ پاکستان اتے سعودی عرب وچال ابلاغیات دے شعبے اچ سانجھے تعاون تے ڳالھ مہاڑ تھئی ۔ملاقات اچ پاکستان تے سعودی عرب وچال میڈیا اتے مواصلات دے شعبے اچ طے شدہ معاہدات تے عمل درآمد دی رفتار تکھا کرݨ تے اتفاق کیتے ۔پاکستان تے سعودی عرب وچال میڈیا، ڈرامہ، سودھے بئے متعلقہ شعبیں اچ تعاون کوں مزید ودھاوݨ تے وی اتفاق کیتے ۔نگران وفاقی وزیر اطلاعات سعودی سفیر کیتے نیک تمنا دا اظہار وی کیتے ۔ملاقات اچ اسلامی تعاون تنظیم دے 12 نومبر کوں تھیوݨ آلے اجلاس تے وی ڳالھ مہاڑ تھئی ۔وفاقی وزیر اطلاعات سعودی عرب دی طرفوں اسلامی تعاون تنظیم دا سربراہی اجلاس سݙݨ دا خیر مقدم کیتا۔نگراں وزیر اطلاعات آکھیے بانی رکن دے طور تے پاکستان او آئی سی دے قیام دے مقصد اتے اینکوں مزید تکڑا کرݨ اچ آپݨا کردار ادا کریندا رہسی ۔نگران وفاقی وزیر اطلاعات سعودی فرمانروا شاہ سلمان بن عبدالعزیز اتے ولی عہد شہزادہ محمد بن سلمان کیتے نیک تمناواں دا اظہار کیتے۔سعودی سفیر نگران وزیر اطلاعات کوں سعودی عرب دورے دی دعوت ݙتی۔نگران وفاقی وزیر اطلاعات مرتضیٰ سولنگی سعودی سفیر نواف سعید المالکی دا دورے دی دعوت ݙیوݨ تے شکریہ ادا کیتے۔
