اسلام آباد۔10نومبر(اے پی پی) پاکستان سعودی عرب دے دارالحکومت ریاض اچ (کل) ہفتے کوں تھیوݨ آلی غیر معمولی اسلامی سربراہی کانفرنس دا خیرمقدم کیتے۔ او آئی سی دا سربراہ اجلاس غزہ تے اسرائیلی حملیں دے ردعمل اچ سݙیا ڳئے جیں توں شہری آبادی کوں ٻہوں خطرہ اے تے اوں ھک وݙے انسانی بحران کوں جنم ݙتے۔ دفتر خارجہ دی ترجمان ممتاز زہرہ بلوچ جمعہ کوں پریس بریفنگ اچ آکھیے …
پاکستان دا سعودی عرب دے دارالحکومت ریاض اچ (کل) تھیوݨ آلی غیر معمولی اسلامی سربراہی کانفرنس دا خیرمقدم
مزید خبراں
اسلام آباد۔10نومبر(اے پی پی) پاکستان سعودی عرب دے دارالحکومت ریاض اچ (کل) ہفتے کوں تھیوݨ آلی غیر معمولی اسلامی سربراہی کانفرنس دا خیرمقدم کیتے۔ او آئی سی دا سربراہ اجلاس غزہ تے اسرائیلی حملیں دے ردعمل اچ سݙیا ڳئے جیں توں شہری آبادی کوں ٻہوں خطرہ اے تے اوں ھک وݙے انسانی بحران کوں جنم ݙتے۔ دفتر خارجہ دی ترجمان ممتاز زہرہ بلوچ جمعہ کوں پریس بریفنگ اچ آکھیے پاکستان کوں فلسطینی عوام دے خلاف کیتے ونڄݨ آلے جرم تے ݙاڈھی تشویش اے کیوں جو اسرائیلی افواج غزہ اچ اپݨی دہشت گردی اتے بربریت دی مہم جاری رکھی ہوئی اے ۔انہاں آکھیے ھک مہینے توں ودھ عرصے توں غزہ دے عوام بدترین اجتماعی سزا دا شکار ہن ۔ ترجمان آکھیے اسرائیلی فوج نشوم شہریاں دا اندھا دھند قتل عام کریندے ہوئیں انہاں کوں خوراک، پاݨی، رہائش اتے طبی امداد توں ڄاݨ ٻجھ تے محروم کرتے انسانیت دے خلاف جرائم دا ارتکاب کریندے پئن ۔انہاں آکھیے فاسفورس بم دا استعمال اتے نیوکلیئر ہولوکاسٹ دیاں تڑیاں زیر قبضہ لوکاں دے خلاف ݙتیاں ویندیاں پئن جنہاں کوں انہاں دی سرزمین تں زبردستی بے دخل کیتا ویندا پئے ۔ ترجمان آکھیے غزہ دی سنگین صورتحال پاروں نظر اقوام متحدہ دی سلامتی کونسل کوں امن برقرار رکھݨ تے وختی غیر مشروط جنگ بندی، محاصرہ مکاوݨ سودھے وختی بلا روک ٹوک انسانی امداد دے آغاز کیتے آپݨی ذمہ واری پوری کرݨ سانڳے کم کرݨا چاہیدے ۔
