اسلام آباد۔10نومبر (اے پی پی):دفتر خارجہ دی ترجمان ممتاز زہرہ بلوچ آکھیے وزیر اعظم انوار الحق کاکڑ ازبکستان دے دارالحکومت تاشقند اچ 16ویں ای سی او سربراہی اجلاس اچ علاقائی ترقی، رابطے تے سانجھی خوشحالی دے ای سی او دے اہداف کیتے پاکستان دے عزم دا اعادہ کیتے۔ ترجمان پریس بریفنگ اچ آکھیے وزیراعظم تنظیم دے مستقبل دے کم اتے علاقائی رابطے تے سانجھی خوشحالی دے ودھارے کیتے پاکستان …
نگران وزیر اعظم ای سی او سربراہ اجلاس اچ علاقائی ترقی، رابطے تے سانجھی خوشحالی دے اہداف کیتے پاکستان دے عزم دا اعادہ کیتے، ترجمان دفتر خارجہ
مزید خبراں
اسلام آباد۔10نومبر (اے پی پی):دفتر خارجہ دی ترجمان ممتاز زہرہ بلوچ آکھیے وزیر اعظم انوار الحق کاکڑ ازبکستان دے دارالحکومت تاشقند اچ 16ویں ای سی او سربراہی اجلاس اچ علاقائی ترقی، رابطے تے سانجھی خوشحالی دے ای سی او دے اہداف کیتے پاکستان دے عزم دا اعادہ کیتے۔ ترجمان پریس بریفنگ اچ آکھیے وزیراعظم تنظیم دے مستقبل دے کم اتے علاقائی رابطے تے سانجھی خوشحالی دے ودھارے کیتے پاکستان دا وژن پیش کیتے۔ انہاں آکھیے وزیراعظم تجارت، سرمایہ کاری، ٹرانسپورٹ اتے مواصلات دے بنیادی ڈھانچے دی ترقی اتے پائیدار اقتصادی ترقی کیتے علاقائی تعاون دی لوڑھ تے زور ݙتے۔ دفتر خارجہ دی ترجمان آکھیے نگراں وزیراعظم اسرائیلی قابض فوج دی طرفوں غزہ تے مسلسل اتے مہلک بمباری دی شدید مذمت کیتی تے مسئلہ فلسطین کوں اقوام متحدہ دی سلامتی کونسل اتے او آئی سی دی متعلقہ قرارداداں دے مطابق حل کرݨ تے زور ݙتے ۔ وزیراعظم آکھیے ودھدی ہوئی عدم رواداری، زینو فوبیا اتے اسلامو فوبیا تے بین الاقوامی توجہ دی لوڑھ اے ۔ انہاں اسلامو فوبیا دے رجحان اچ ودھارے دے خلاف سیاسی اتے قانونی روک تھام اتے سانجھے احترام، بین المذاہب ہم آہنگی اتے پرامن بقائے باہمی کوں ودھارا ݙیوݨ تے زور ݙتے ۔ ای سی او سربراہ اجلاس دے موقع تے وزیراعظم آذربائیجان اتے ازبکستان دے صدور نال ݙو پاسے ملاقاتاں کیتن ۔ انہاں ای سی او دے سیکرٹری جنرل سفیر خسرو نوزیری نال وی ملاقات کیتی ۔
