تحریک انصاف دے سربراہ عمران خان اتے ٻنھاں دے خلاف توہین الیکشن کمیشن کیس دی سماعت سنوار کوں تھیسی

اسلام آباد۔12نومبر(اے پی پی):الیکشن کمیشن اچ سنوار کوں تحریک انصاف دے سربراہ عمران خان اتے ٻنھاں دے خلاف توہین الیکشن کمیشن کیس دی سماعت تھیسی ڄݙاں جو 3 بینچ حلقہ بندیاں تے دائر اعتراضات دی سماعت وی کریسن۔ الیکشن کمیشن دا بینچ نمبر ہک اچ نثار احمد درانی، شاہ محمد جتوئی، بابر حسین بھروانہ اتے جسٹس (ر) اکرام اللہ خان، تحریک انصاف دے سربراہ عمران خان، سابق وزرا فواد چوہدری، اسد عمر دے خلاف الیکشن کمیشن اتے چیف الیکشن کمشنر دے خلاف نازیبا زبان اتے توہین آمیز کلمات دے کیس دی سماعت کریسن۔ الیکشن کمیشن عمران خان، اسد عمر اتے فواد چوہدری کوں ذاتی حیثیت اچ سݙیے ڄݙاں جو انہاں تے فرد جرم عائد لائی ویسی۔ بینچ نمبر 2 اچ ضلع بہاولنگر، تونسہ شریف، وہاڑی دے اضلاع دے قومی و صوبائی اسمبلیاں دے حلقہ جات دی حدبندیاں تے اعتراضات دی سماعت تھیسی۔ بینچ نمبر 3 اچ کوئٹہ، چمن و قلعہ عبداللہ، چاغی، واشک و خاران دے اضلاع دے حلقیاں دی حدبندیاں اتے اعتراضات دی سماعت تھیسی۔