حضرت امیر خسرو ؒ دے عرس دی تقریبات ،وزارت مذہبی امور شرکت دے خواہشمند پاکستانیاں توں 25 نومبر تئیں درخواستاں منگ ڳھدن

اسلام آباد۔13نومبر(اے پی پی) وزارت مذہبی امور حضرت امیر خسرو ؒ دے عرس دی تقریبات اچ شرکت دے خواہشمند پاکستانیاں توں 25 نومبر تئیں درخواستاں منگ ڳھدن ۔ وزارت مذہبی امور توں جاری نوٹیفکیشن موجب حضر ت امیرخسرو ؒ  دا عرس 23 توں 30 اپریل  2024 کوں بھارت دے شہرنئی دہلی اچ تھیسی ۔ عرس دی تقریبات اچ شرکت دے خواہش مند پاکستانی زائرین کوں آکھیا ڳئے جو او 25 نومبر تئیں آپݨیاں درخواستاں وزارت مذہبی امور دے زیارات  سیکشن اچ بھیڄ ݙیون ۔ درخواستاں دی تعداد مقررہ  حد توں ودھݨ دی صورت اچ قرعہ اندازی  25 دسمبر کوں وزارت مذہبی امور اچ تھیسی ۔ایں حوالے نال ٻئی معلومات  وزارت دی ویب سائٹ  تے وی ݙٹھیاں ونڄ سڳدن ۔عرس اچ شرکت دے خواہش مند زائرین کوں کووڈ۔19 دی صورتحال  اتے ݙوہیں ملکاں وچال زائرین دی آونڄ دے حوالے نال پروٹوکول دی روشنی اچ دورے متعلق حتمی  فیصلے دا ݙسایا ویسی ۔