نگراں وزیراعظم انوار الحق کاکڑ دی صدارت اچ ایف بی آر متعلق اجلاس

اسلام آباد۔13نومبر(اے پی پی) نگراں وزیر اعظم انوار الحق کاکڑ آکھیے ٹیکس نظام اچ بہتری کیتے جدید ترین ٹیکنالوجی دا استعمال نا گزیر اے ، سمگلنگ دے کنٹرول کیتے اہم اقدامات چاتے ڳئن لیکن ایں حوالے نال مزید کم کرݨا ہوسی، ایف بی آر دی کارکردگی بہتر بݨاوݨ دے حوالے نال سارے سٹیک ہولڈرز نال مشاورت کیتی ویسی تے ایں حوالے نال ھک جامع لائحہ عمل پیش کیتا ویسی جیں اچ سارے متعلقہ اداریں دی تجاویز وی شامل کیتیاں ویسن ۔ وزیراعظم آفس دے میڈیا ونگ توں جاری بیان موجب نگراں وزیراعظم انوار الحق کاکڑ دی صدارت اچ فیڈرل بورڈ آف ریونیو متعلق اجلاس تھیا ۔ اجلاس اچ وزیر اعظم کوں ٹیکس نیٹ وسیع کرݨ تے ٹیکس سسٹم کوں ڈیجیٹلائز کرݨ تے بریفنگ ݙتی ڳئی ۔ اجلاس اچ ایف بی آر دی ری سٹرکچر نگ دے حوالے نال مختلف تجویزاں تے غور تھیا ۔اجلاس دے شرکاء نال ڳالھ مہاڑ کریندے ہوئیں وزیر اعظم آکھیے محصولات دی وصولی ملک دی معیشت اچ ریڑھ دی ہݙی دی حیثیت رکھیندی اے ۔ انہاں آکھیے ٹیکس نظام اچ بہتری کیتے جدید ترین ٹیکنالوجی دا استعمال نا گزیر اے ، سمگلنگ دے کنٹرول کیتے پچھلے ݙیھاں اچ کافی اہم اقدامات چاتن لیکن ایں حوالے نلا مزید تکڑا کم کرݨا پوسی۔ وزیر اعظم ہدایت کیتی جو ایف بی آر دی کارکردگی بہتر بݨاوݨ دے حوالے نال سارے سٹیک ہولڈرز نال مشاورت کیتی ویسی تے ایں حوالے نال ھک جامع لائحہ عمل پیش کیتا ویسی جیں اچ سارے متعلقہ اداریں دی تجویزاں وی شامل کیتیاں ویسن ۔اجلاس اچ نگراں وفاقی وزیر خزانہ ڈاکٹر شمشاد اختر، مشیر وزیر اعظم احد چیمہ، چیئرمین ایف بی آر، وفاقی سیکرٹری خزانہ اتے ٻئے متعلقہ افسران شرکت کیتی۔