اسلام آباد۔14نومبر (اے پی پی):سپیکر قومی اسمبلی راجہ پرویز اشرف آکھیے پچھلے کجھ سالاں اچ ذیابیطس دا مرض ودھ ڳئے، ایں ویلھے پوری دنیا اچ شوگر دے مریضاں دی تعداد اچ ساݙا نمبر تریجھا اے جݙاں جو مڈل ایسٹ اتے افریقہ دے 21ملکاں دی فہرست اچ ساݙا نمبر ݙوجھا اے۔ ذیابیطس توں بچݨ دے جڳ ݙیھاڑ تے سپیکر قومی اسمبلی اپݨے سنھیے اچ آکھیے جو پاکستان اچ شوگر دے …
پچھلے کجھ سالاں اچ ذیابیطس دا مرض ودھ ڳئے ،سپیکر قومی اسمبلی
مزید خبراں
اسلام آباد۔14نومبر (اے پی پی):سپیکر قومی اسمبلی راجہ پرویز اشرف آکھیے پچھلے کجھ سالاں اچ ذیابیطس دا مرض ودھ ڳئے، ایں ویلھے پوری دنیا اچ شوگر دے مریضاں دی تعداد اچ ساݙا نمبر تریجھا اے جݙاں جو مڈل ایسٹ اتے افریقہ دے 21ملکاں دی فہرست اچ ساݙا نمبر ݙوجھا اے۔ ذیابیطس توں بچݨ دے جڳ ݙیھاڑ تے سپیکر قومی اسمبلی اپݨے سنھیے اچ آکھیے جو پاکستان اچ شوگر دے مریضاں دی تعداد 3کروڑ30لکھ توں ودھ ڳئی اے جیڑھی جو ھک خطرناک ڳالھ اے ۔ انہاں آکھیے اے ݙینھ مناوݨ دا بنیادی مقصد ذیابیطس بارے آگاہی ݙیوݨ اے ۔ انہاں فریڈرک بینٹنگ دی طرفوں طب دی دنیا اچ خدمات کوں خراج تحسین پیش کریندے ہوئیں آکھیے انسولین دی ایجاد ذیابیطس دے مریضاں کیتے کہیں نعمت توں گھٹ کائنی ۔سپیکر قومی اسمبلی راجہ پرویز اشرف آکھیے ذیابیطس دا مرض اپݨی اوکھ دے اعتبار نال ٻئے مرض دے مقابلے اچ زیادہ خطرناک سمجھیا ویندے ، پاکستان اچ وی ذیابیطس دا مرض تکھے کھنڈا پئے ۔ انہاں آکھیے اپݨی معمولات زندگی اچ مثبت تبدیلیاں گھن آتے تے خوراک اچ احتیاط ورتݨ نال ایں مرض توں بچیا ونڄ سڳدے۔
