اسلام آباد۔15نومبر(اے پی پی) صدر مملکت ڈاکٹر عارف علوی جنگاں جھیڑے دے نتیجے اچ بے گناہ لوکاں دا قتل عام روکݨ تے انسانیت کوں دنیا دے طاقتوراں دے تشدد توں بچاوݨ کیتے ھک متحد نقطہ نظر اپناوݨ دی لوڑھ تے زور ݙیندے ہوئیں آکھیے جو عالمی برادری غزہ اچ خونریزی روکݨ سانڳے آپݨا کردار نبھوے ۔ اے ڳالھ انہاں ٻدھ کوں اتھاں اسلام آباد پالیسی رسیرچ انسی ٹیوٹ (آئی …
عالمی برادری غزہ اچ خونریزی روکݨ سانڳے آپݨا کردار نبھاوے، صدرڈاکٹر عارف علوی دا سالانہ مارگلہ ڈائیلاگ 2023 توں خطاب
مزید خبراں
اسلام آباد۔15نومبر(اے پی پی) صدر مملکت ڈاکٹر عارف علوی جنگاں جھیڑے دے نتیجے اچ بے گناہ لوکاں دا قتل عام روکݨ تے انسانیت کوں دنیا دے طاقتوراں دے تشدد توں بچاوݨ کیتے ھک متحد نقطہ نظر اپناوݨ دی لوڑھ تے زور ݙیندے ہوئیں آکھیے جو عالمی برادری غزہ اچ خونریزی روکݨ سانڳے آپݨا کردار نبھوے ۔ اے ڳالھ انہاں ٻدھ کوں اتھاں اسلام آباد پالیسی رسیرچ انسی ٹیوٹ (آئی پی آر آئی)دے اہتمام نال سالانہ مارگلہ ڈائیلاگ 2023 توں خطاب کریندے ہوئیں آکھی اے ۔ تقریب اچ غیر ملکی سفارت کاراں اتے دانشوراں سودھے مختلف ملکاں نال تعلق رکھݨ آلی شخصیات شرکت کیتی۔ صدر مملکت آکھیے عقل دی طاقت کوں انہاں متشدد قوتاں تے فوقیت حاصل ہووݨی چاہیدی اے جیڑھی جو انسانیت تے انصاف دی روح کوں ختم کریندی اے ۔ صدر مملکت آکھیے دنیا اچ مفادات انسانیت تے غالب ہن جتھاں لوکاں کوں غیر انسانی سلوک دا نشانہ بݨاوݨ معمول بݨ ڳئے ۔ انہاں آکھیے جنگ کہیں وی جھیڑے دا حل کائنی ۔ انہاں ایں ڳالھ تے افسوس کیتے جو جنگ مکاوݨ دے خلاف ویٹو دا حق استعمال کرݨ متعلقہ ملک دے اخلاقی معیارات تے سوالیہ نشان لڳدے ۔
