سکیورٹی فورسز دا بڈھ بیر اچ آپریشن  ، مطلوب 4  دہشت گرد ماریے ڳئن ، فائرنگ دے تبادلے اچ پاک فوج دا جوان شہید تھی ڳئے،  آئی ایس پی آر

راولپنڈی ۔16نومبر(اے پی پی):سکیورٹی فورسز دے بڈھ بیر تے آپریشن اچ مطلوب 4  دہشت گرد ماریے ڳئن ، فائرنگ دے تبادلے اچ پاک فوج دا جوان شہید تھی ڳئے ۔ آئی ایس پی آر موجب 16 نومبر 23 کوں سیکورٹی فورسز دہشت گرداں دی موجودگی دی اطلاع تے ضلع پشاور دے علاقے بڈھ بیراچ انٹیلی جنس دی بنیاد تے آپریشن کیتے۔سکیورٹی فورسز مؤثر طریقے نال دہشت گرداں دے ٹھکاݨے کوں نشانہ بݨائے جئیں دے نتیجے اچ مطلوب دہشت گرد کمانڈر سمیع اللہ عرف شینائے، دہشت گرد کمانڈر سلمان احمد، عمران عرف محمد تے دہشت گرد حضرت عمر عرف خالد ماریے ڳئن ۔ ماریے ڳئے دہشت گرداں توں اسلحہ، گولہ بارود اتے دھماکہ خیز مواد وی برآمد تھئے، جیڑھا جو علاقے اچ بھتہ خوری تے ٹارگٹ کلنگ سودھے دہشت گردی دیاں کاروائیاں اچ سرگرم رہیے ۔ ھک ٻئے آپریشن  ضلع ڈیرہ اسماعیل خان دے علاقے کلاچی اچ کیتا ڳئے ۔ دہشت گرداں نال شدید فائرنگ دے تبادلے توں بعد لانس نائیک محمد اعجاز خان (عمر: 34 سال، رہائشی: باغ، آزاد کشمیر) شہید تھی ڳئے۔ علاقے اچ پاتے ونڄݨ آلے کہیں وی ݙوجھے دہشت گرد کوں بے اثر کرݨ سانڳے نیڑے علاقیں اچ کلیئرنس آپریشن جاری اے ۔ آئی ایس پی آر آکھیے پاکستان دی سیکیورٹی فورسز ملک توں دہشت گردی دی لعنت کوں منڈھوں مکاوݨ سانڳے پرعزم اے ۔