وزیراعظم وزارتاں، ڈویژناں تے دفتراں دے حوالے نال سینیٹ اچ پارلیمانی کارروائی کیتے وفاقی وزیر پارلیمانی امور مرتضیٰ سولنگی کوں نامزد کرݙتے

اسلام آباد۔20نومبر(اے پی پی) وزیراعظم مختلف وزارتاں، ڈویژناں اتے دفتر جنہاں دے قلمدان وزیراعظم کنے بحیثیت انچارج وزیر ہن، دے حوالے نال سینیٹ اچ پارلیمانی کارروائی سانڳے وفاقی وزیر پارلیمانی امور مرتضیٰ سولنگی کوں نامزد کرݙتے ۔ وزیراعظم آفس توں جاری نوٹیفیکیشن موجب وفاقی وزیر پارلیمانی امور مرتضیٰ سولنگی کوں پریذیڈنٹ سیکرٹریٹ، وزیراعظم آفس، کابینہ سیکرٹریٹ، نیشنل سکیورٹی ڈویژن، تخفیف غربت و سماجی تحفظ، ہائوسنگ اینڈ ورکس ڈویژن، بین الصوبائی رابطہ ڈویژن، امور کشمیر و گلگت بلتستان ڈویژن، ریاستی و سرحدی ریجنز ڈویژن کیتے سینیٹ اچ پارلیمانی کارروائی کیتے نامزد کیتا ڳئے ۔ انہاں وزارتاں، ڈویژناں اتے دفتراں دے قلمدان بحیثیت انچارج وزیر وزیراعظم کنے ہن ۔