اسرائیلی فوجاں دی غزہ اچ وحشیانہ کارروائیاں چلڈرن ہولوکاسٹ اے، اے قتل عام بند تھیوݨا چاہیدے، پیشہ وارانہ فوج نہتے شہریاں کوں نشانہ نی ٻݨیندی، نگراں وزیراعظم انوار الحق کاکڑ دا ”زارا الرٹ” موبائل ایپ دے اجراء دی تقریب توں خطاب

اسلام آباد۔20نومبر  (اے پی پی) نگران وزیراعظم انوار الحق کاکڑ آکھیا جو اسرائیلی فوجاں دی غزہ اچ وحشیانہ کارروائیاں چلڈرن ہولوکاسٹ اے، اے قتل عام بند تھیوݨا چاہیدے، پیشہ وارانہ فوج نہتے شہریاں کوں نشانہ نی ٻݨیندی۔ غزہ اچ نشوم ٻالاں اتے تریمتیں دا قتل عام اقوام متحدہ دے کنونشن برائے حقوق اطفال، انسانی حقوق، حقوق نسواں سودھے سارے حقوق دی خلاف ورزی اے۔ غزہ اچ قتل عام بند تھیوݨا چاہیدے۔ اے ڳالھیں انہاں سنوار کوں ٻالاں دے جڳ ڈیھاڑ دے موقع تے ”زارا الرٹ” موبائل ایپ دے اجراء دی تقریب توں خطاب کریندیں ہوئیں آکھی۔ ایں سال وزارت انسانی حقوق ٻالاں دا جڳ ݙیھاڑ ایں عہد نال منیندی پئی اے جو اساݙے ٻالاں دی حفاظت اساݙا قومی فرض اے۔ ایں موقع تے وزیراعظم کوں ٻالاں چارٹر آف ڈیمانڈ وی پیش کیتا۔ ایں موقع تے انہاں خطاب کریندیں ہوئیں آکھیا جو اسرائیلی فوجاں دی غزہ اچ وحشیانہ کارروائیاں چلڈرن ہولوکاسٹ اے، اے قتل عام بند تھیوݨا چاہیدے، پیشہ وارانہ فوج نہتے شہریاں کوں نشانہ نی ٻݨیندی۔