بھارہ کہو فلائی اوور ڈہݨ بارے انکوائری رپورٹ وزیراعظم کوں پیش کر ݙتی ڳئی اے، وفاقی وزیر برائے پارلیمانی امور

اسلام آباد۔2جنوری  (اے پی پی) وفاقی وزیر برائے   پارلیمانی امور  اتے اطلاعات و نشریات   مرتضی سولنگی  آکھیا جو بھارہ کہو فلائی اوور ڈہݨ بارے  انکوائری رپورٹ وزیراعظم کوں پیش کر ݙتی ڳئی اے۔ منگل کوں سوالاں دے وقفے اچ  سینیٹر ہدایت اللہ دے سوال دے ولدے اچ وفاقی وزیر  پارلیمانی اموراتے اطلاعات و نشریات آکھیاجو انکوائری رپورٹ بارے ایوان کوں ݙسیسوں۔ چیئرمین ہدایت کیتی جو انکوائری رپورٹ دی تفصیل ایوان کوں وی ݙسائی ونڄے۔