راولپنڈی ۔13جنوری (اے پی پی) ضلع لکی مروت اچ سیکیورٹی فورسز اتے دہشتگرداں وچال فائرنگ دے تبادلے اچ شہید تھیوݨ آلے فوجی جواناں دی نماز جنازہ ادا کرتے مکمل فوجی اعزاز نال سپرد خاک کرݙتا ڳئے ۔ ہفتے کوں آئی ایس پی آر توں جاری اعلامیہ موجب 10 جنوری کوں لکی مروت اچ سیکورٹی فورسز اتے دہشتگرداں وچال فائرنگ دے تبادلے اچ ضلع بھمبر، آزاد کشمیردے رہائشی 29 سالہ …
ضلع لکی مروت اچ دہشتگرداں نال فائرنگ دے تبادلے اچ جام شہادت نوش کرݨ آلے فوجی جواناں دی نماز جنازہ ادا کرݙتی ڳئی ، آئی ایس پی آر
مزید خبراں
راولپنڈی ۔13جنوری (اے پی پی) ضلع لکی مروت اچ سیکیورٹی فورسز اتے دہشتگرداں وچال فائرنگ دے تبادلے اچ شہید تھیوݨ آلے فوجی جواناں دی نماز جنازہ ادا کرتے مکمل فوجی اعزاز نال سپرد خاک کرݙتا ڳئے ۔ ہفتے کوں آئی ایس پی آر توں جاری اعلامیہ موجب 10 جنوری کوں لکی مروت اچ سیکورٹی فورسز اتے دہشتگرداں وچال فائرنگ دے تبادلے اچ ضلع بھمبر، آزاد کشمیردے رہائشی 29 سالہ سپاہی محمد افضل اتے مانسہرہ توں تعلق رکھݨ آلے 27 سالہ سپاہی ابرار حسین شہید تھی ڳئے ہن جنھاں دی نماز جنازہ آبائی علاقیں اچ ادا کرݙتی ڳئی ۔ سپاہی محمد افضل شہید اتے سپاہی ابرار حسین شہید دی نماز جنازہ اچ پاک فوج دے سینئر افسران، جوان، شہداء دے لواحقین اتے اہل علاقہ وݙی تعداد اچ شرکت کیتی۔ ایں موقع تے ایں عزم دا اعادہ کیتا ڳئے جو افواج پاکستان مادرِ وطن توں دہشتگردی دی لعنت کوں ہر قیمت تے مکاوݨ سانڳے پرعزم اے ۔
