اسلام آباد۔ 27 مئی (اے پی پی) وفاقی وزیر داخلہ محسن نقوی آکھیا جو شہریاں دی جان تے مال دے تحفظ کیتے اسلام آباد سیف سٹی اتھارٹی، غیر ملکیاں کیتے سپیشل پروٹیکشن یونٹ ٻݨیندے پئیوں۔ اسلام آباد پولیس دے رویے اچ مثبت تبدیلی چاہندوں۔ او چک بیلی دے نیڑے پولیس شہدا دے ٹبراں کیتے ’’مبین کاٹیج‘‘ دا منݙھ بدھݨ دی تقریب توں خطاب کریندے پئے ہن۔ انسپکٹر جنرل پولیس اسلام …
شہریاں دی جان تے مال دے تحفظ کیتے اسلام آباد سیف سٹی اتھارٹی، غیر ملکیاں کیتے سپیشل پروٹیکشن یونٹ ٻݨیندے پئیوں، وزیر داخلہ دا تقریب توں خطاب
اسلام آباد۔ 27 مئی (اے پی پی) وفاقی وزیر داخلہ محسن نقوی آکھیا جو شہریاں دی جان تے مال دے تحفظ کیتے اسلام آباد سیف سٹی اتھارٹی، غیر ملکیاں کیتے سپیشل پروٹیکشن یونٹ ٻݨیندے پئیوں۔ اسلام آباد پولیس دے رویے اچ مثبت تبدیلی چاہندوں۔ او چک بیلی دے نیڑے پولیس شہدا دے ٹبراں کیتے ’’مبین کاٹیج‘‘ دا منݙھ بدھݨ دی تقریب توں خطاب کریندے پئے ہن۔ انسپکٹر جنرل پولیس اسلام آباد سید علی ناصر رضوی، چیئرمین سی ڈی اے محمد علی رندھاوا،ایم ڈی پولیس فائونڈیشن صابر احمد، ایس ایس پی ٹریفک محمد سرفراز ورک سودھے ٻئے حکام ایں موقع تے موجود ہن۔ آئی جی اسلام آباد محمدسید علی ناصر رضوی استقبالیہ خطبہ پیش کریندیں ہوئیں ݙسیا جو اسلام آباد پولیس دے 64 شہید پولیس افسراں اتے جواناں دے ٹبراں کوں چک بیلی دی ایں ڄاہ تے نہ صرف پلاٹ ݙیندے پئیوں بلکہ انہاں کوں گھر وی ٻݨا تے ݙیسوں۔
