جیل اچ ٻیٹھے بندے کوں سفارتی محاذ تے ملݨ آلی کامیابیاں اتے ملکی ترقی ہضم نی تھیندی پئی، مخصوص پروپیگنڈے دے تحت ملک کوں 71 آلے حالات نال ملاوݨ دی کوشش کیتی ویندی پئی اے، عطاء اللہ تارڑ

اسلام آباد۔27مئی (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ آکھیا جو جیل اچ ٻیٹھے بندے کوں سفارتی محاذ تے ملݨ آلی کامیابیاں اتے ملکی ترقی ہضم نی تھیندی پئی، مخصوص پروپیگنڈے دے تحت ملک کوں 71 آلے حالات نال ملاوݨ دی کوشش کیتی ویندی پئی اے۔ انہاں دے عزائم کݙاہیں کامیاب کائنا تھیسن۔ انشاء اللہ پاکستان ہمیشہ رہسی۔ ترقی کریسی، اڳوں ودھسی اتے آپݨا مقام ٻݨیسی۔ سنوار کوں پی ٹی وی ہیڈ کوارٹرز اچ پریس کانفرنس توں خطاب کریندیں ہوئیں انہاں آکھیا جو پاکستان کوں سفارتی محاذ تے کامیابیاں ملدی پئن جئیں تے اللہ تعالیٰ دا شکر ادا کریندوں۔ انہاں آکھیا جو وزیراعظم پچھلے ݙو ݙینھ اچ ناروے اتے آئرلینڈ دے وزراء اعظم نال فون تے ڳالھ کیتی اے، ناروے اتے آئرلینڈ مشرق وسطیٰ دی صورتحال تے آپݨا مضبوط موقف ݙسیندیں ہوئیں غزہ اتے رفح اچ جاری مظالم دی مذمت کیتی۔ انہاں آکھیا جو اساں غزہ دی عوام نال یکجہتی کریندوں اتے چاہندوں جو امن کیتے حل سامھے آوے۔