وفاقی وزیر تجارت جام کمال خان نال پاکستان اچ ہالینڈ دی سفیر دی ملاقات

اسلام آباد۔27مئی (اے پی پی) وفاقی وزیر تجارت جام کمال خان آکھیا جو ٻاہرلے سرمایہ کار پاکستان اچ قابل تجدید توانائی، سروسز، زراعت، آئی ٹی، انسانی وسائل، ماہی پروری اتے ٹیکسٹائل سودھے مختلف شعبیاں اچ سرمایہ کاری دے فیدے حاصل کر سڳدن۔ سنوار کوں وزارت تجارت دے جاری اعلامیہ موجب اے ڳالھیں انہاں پاکستان اچ ہالینڈ دی سفیر ہینی فوکل ڈی وریس ملاقات اچ آکھی۔ ملاقات اچ تجارتی تعلقات کوں ودھاوݨ بارے ڳالھ کیتی۔ ایں موقع تے سفیر ڈچ کمپنیاں دے مسئلیاں دے حل کیتے وزارت تجارت دے کردار دی تعریف کیتی۔ جام کمال قابل تجدید توانائی، سروسز، زراعت، آئی ٹی، انسانی وسائل، ماہی پروری اتے ٹیکسٹائل سودھے مختلف شعبیاں اچ سرمایہ کاری دے موقعیاں بارے ڳالھ کیتی۔