یوم تکبیر صبحائیں منایا ویسی، وزیرِ اعظم دا پورے ملک اچ چھٹی دا اعلان

اسلام آباد۔27مئی(اے پی پی):وزیرِ اعظم محمد شہباز شریف صبحائیں 28 مئی منگل کوں “یوم تکبیر” تے پورے ملک اچ چھٹی دا اعلان کریندے آکھیے جو “یومِ تکبیر” سیاسی و دفاعی قوتاں دے ایں ملک دے دفاع کوں تکڑا کرݨ کیتے ہک جھنڈے، سبز ہلالی پرچم ہیٹھ ہک مٹھ تھیوݨ دی یاد ݙویندے۔ انہاں اپݨے سنیہے اچ آکھیے جو یوم تکبیر پاکستانی قوم دے ملکی دفاع کوں ناقابل تسخیر ٻݨآوݨ دی یاد ݙویندے ڄݙاں پوری قوم ملکی سالمیت کیتے اے فیصلہ کیتے جو ملکی دفاع تے کوئی سمڄھوتہ نا کیتا ویسی، اے ݙینھ بیرونی دشمناں دے نال نال اندرونی دشمناں، ڄیڑھے ملک اچ فساد چاہندن دے ناپاک عزائم کوں کوں نامراد کرݨ دے عہد دا ݙینھ اے۔ اڄ دے ݙینھ اساں وعدہ کریندے ہیں جو 28 مئی کوں جیویں ملک دا دفاع ناقابلِ تسخیر ٻݨائے اویں اساں ݙینھ رات محنت نال ملک دی اقتصادی سلامتی یقینی ٻݨیسوں۔