اسلام آباد۔31مئی (اے پی پی) پاکستان کویت سانجھی وزارتی کمیشن دا اجلاس،دیامر بھاشاڈیم دی تعمیر کیتے کویت ولوں 25 ملین ڈالر دے معاہدے تے اتفاق رائے تھی ڳئیا جڈانجو کویت ولوں کچھی کینال منصوبے کیتے مالی تعاون ݙیوݨ بارے غور کرݨ دا وعدہ وی کیتا ڳئیا۔ وزارت اقتصادی امور توں جاری اعلامیہ موجب پاکستان اتے کویت دے سانجھی وزارتی کمیشن دا ترائے ݙینھ دا اجلاس جمعے کوں کویت اچ مُک …
پاکستان کویت سانجھے وزارتی کمیشن دا اجلاس،دیامر بھاشاڈیم دی تعمیر کیتے کویت ولوں 25 ملین ڈالر دے معاہدے تے اتفاق رائے تھی ڳئیا
اسلام آباد۔31مئی (اے پی پی) پاکستان کویت سانجھی وزارتی کمیشن دا اجلاس،دیامر بھاشاڈیم دی تعمیر کیتے کویت ولوں 25 ملین ڈالر دے معاہدے تے اتفاق رائے تھی ڳئیا جڈانجو کویت ولوں کچھی کینال منصوبے کیتے مالی تعاون ݙیوݨ بارے غور کرݨ دا وعدہ وی کیتا ڳئیا۔ وزارت اقتصادی امور توں جاری اعلامیہ موجب پاکستان اتے کویت دے سانجھی وزارتی کمیشن دا ترائے ݙینھ دا اجلاس جمعے کوں کویت اچ مُک ڳئیا۔ فریقین مختلف شعبیاں اچ ݙوپاسہ تعاون کوں ٻیا ودھاوݨ تے اتفاق کیتا۔ سانجھے وزارتی کمیشن دے اجلاس دی صدارت وفاقی وزیر نجکاری عبدالعلیم خان اتے کویت دے وزیر تجارت و صنعت عمر سعود العمر کیتی۔ پاکستانی وفد اچ وزارت اقتصادی امور ، وزارت خارجہ، وزارت تجارت ، وزارت اوور سیز پاکستانیز، سرمایہ کاری بورڈ، پٹرولیم ڈویژن ، ایس آئی ایف سی اتے بئی متعلقہ وزارتاں دے نمائندے شریک تھیے۔
