وزیراعظم شہباز شریف چین دے صدر اتے وزیراعظم دی دعوت تے 4 توں 8 جون چین دا دورہ کریسن، دفتر خارجہ

اسلام آباد۔31مئی (اے پی پی) وزیراعظم محمد شہباز شریف عوامی جمہوریہ چین دے صدر شی جن پنگ اتے وزیراعظم لی کیانگ دی دعوت تے 4 توں 8 جون تئیں چین دا سرکاری دورہ کریسن۔ جمعے کوں دفترخارجہ توں جاری بیان موجب وزیراعظم بیجنگ دے علاوہ ژیان اتے شینزن شہراں دا وی دورہ کریسن۔ بیجنگ اچ وزیر اعظم صدر شی جن پنگ نال ملاقات کریسن اتے وزیر اعظم لی کیانگ نال وفود دی سطح تے ڳالھ مہاڑ کریسن۔ او نیشنل پیپلز کانگریس دی سٹینڈنگ کمیٹی دے چیئرمین ژائو لیجی اتے اہم سرکاری محکمیاں دے سربراہواں نال وی ملاقات کریسن۔ بیان موجب وزیراعظم دے دورے دا ہک پہلو تیل تے گیس، توانائی، آئی سی ٹی اتے ابھردی ہوئی ٹیکنالوجیز دی سرکردہ چینی کمپنیاں دے کارپوریٹ ایگزیکٹوز نال ملاقاتاں کریسن۔