آندے 24 گھنٹے ملک اچ موسم گرم جݙاں جو جنوبی علاقیں ودھ سارا گرم رہݨ دے نال اندھاری /جھکڑ چلݨ دا امکان اے،محکمہ موسمیات

اسلام آباد۔1جون (اے پی پی)محکمہ موسمیات آکھیے ٓندے 24 گھنٹے ملک اچ موسم گرم جݙاں جو جنوبی علاقیں ودھ سارا گرم رہݨ دے نال اندھاری /جھکڑ چلݨ دا امکان اے۔ جݙاں جو گلگت بلتستان، شمالی بلوچستان اتے اُتلے خیبرپختونخوا اچ اندھاری /جھکڑ چلنݨ دے علاوہ کجھ جہیں تے کھمݨ نال مینھ وسݨ دا امکان اے ۔ محکمہ موسمیات موجب گزریل 24 گھنٹے اچ ملک دے ٻہوں سارے میدانی علاقے ودھ ساری گرمی دی وٹھ اچ رہیے ۔ جݙاں جو شمالی بلوچستان، گلگت بلتستان، اسلام آباد اتے خطہ پوٹھوہاراچ تکھی ہوا تے کھمݨ نال کجھ جہیں تے مینھ / بونداباندی تھئی ۔ ساریں توں ودھ مینھ بلوچستان: بارکھان 06، گلگت بلتستان: اسکردو 04، بگروٹ، استور 03، گلگت 01، پنجاب: مری اچ 01 ملی میٹر مینھ ریکارڈ تھئے ۔ ہفتے کوں ریکارڈ کیتے ڳئے ودھ توں ودھ درجہ حرارت: تربت، سبی48، جیکب آباد، لسبیلہ، اوکاڑہ، پسنی47، بھکر، خیرپور، نورپور تھل، قصور، ڈی آئی خان، فیصل آباد، گوجرنوالہ، جھنگ، منڈی بہاؤلدین، موہنجوداڑواتے سرگودھا اچ 46 ڈگری سینٹی ریکارڈ کیتا ڳئے۔