آندے 24گھنٹے ملک اچ موسم گرم تے میدانی علاقیں اچ ٻہوں گرم رہݨ دا امکان ،محکمہ موسمیات

اسلام آباد۔2جون (اے پی پی)محکمہ موسمیات آکھیے جو ٓندے 24گھنٹے ملک اچ موسم گرم تے میدانی علاقیں اچ ٻہوں گرم رہݨ دا امکان اے۔ جݙاں جو گلگت بلتستان ، کشمیر ،اسلام آباد، خطہ پوٹھو ہار،شمال مشرقی پنجاب اتے خیبر پختونخوا اچ اندھاری گھلݨ /جھکڑ چلݨ دے علاوہ کجھ جہیں تے کھمݨ نال مینھ وسݨ دا امکان اے ۔محکمہ موسمیات موجب گزریل 24 گھنٹے اچ ملک دے ٻہوں سارے علاقیں اچ موسم گرم اتے خشک رہیا۔ جݙاں جو اسکردو اچ 02 ملی میٹر مینھ ریکارڈ کیتا ڳئے ۔ہفتے کوں ریکارڈ کیتے ڳئے ودھ توں ودھ درجہ حرارت : تربت48، سبی، جیکب آباد،بھکر، نورپور تھل47، حافظ آباد،اوکاڑہ،ڈی جی خان،دادو اتےگوجرانوالہ اچ 46ڈگری سینٹی ریکارڈ کیتا ڳئے ۔