سپریم کورٹ دا 13 رکنی فل کورٹ سنی اتحاد کونسل دی مخصوص نشستاں متعلق کیس دی 3 جون کوں سماعت کریسی

اسلام آباد۔2جون (اے پی پی):چیف جسٹس پاکستان جسٹس قاضی فائز عیسیٰ دی سربراہی اچ عدالت عظمیٰ دا13 رکنی فل کورٹ تشکیل ݙتا ڳئے جیڑھا مخصوص نشستاں بارے کیس دی صبحائیں سماعت کریسی ۔ سپریم کورٹ توں جاری کاز لسٹ موجب فل کورٹ سنی اتحاد کونسل دی درخواست تے چیف جسٹس قاضی فائز عیسیٰ دی سربراہی اچ جسٹس سید منصور علی شاہ، جسٹس منیب اختر، جسٹس یحیٰ خان آفریدی، جسٹس امین الدین خان، جسٹس جمال خان مندوخیل، جسٹس محمد علی مظہر، جسٹس عائشہ اے ملک، جسٹس اطہر من اللہ، جسٹس سید حسن اظہر رضوی، جسٹس شاہد وحید، جسٹس عرفان سعادت خان اتے جسٹس نعیم اختر افغان تے مشتمل 13 رکنی فل کورٹ کیس دی سماعت کریسی ، جسٹس مسرت ہلالی علالت پاروں بنچ اچ شامل کائنی۔