فیومیگیشن سسٹم کوں چنڳاݨ کرݨ سانڳے ھک جامع حکمت عملی بݨائی ویسی ۔ رانا تنویر حسین

اسلام آباد۔2جون (اے پی پی):وفاقی وزیر نیشنل فوڈ سیکیورٹی اینڈ ریسرچ رانا تنویر حسین آکھیے جو فیومیگیشن سسٹم کوں بہتر بݨاوݨ سانڳے ھک جامع حکمت عملی بݨائی ویسی تے فیومیگیشن کمپنیاں دی تعداد کوں مزید ودھایا ویسی ۔پلانٹ پروٹیکشن دے ڈائریکٹر جنرل ڈاکٹر طارق خان نال ڳالھ مہاڑ کریندے ہوئیں انہاں آکھیے جو محکمہ پلانٹ پروٹیکشن زراعت دے شعبے اچ چنڳاں کردار نبھیندے ۔پلانٹ پروٹیکشن دے ڈائریکٹر جنرل وفاقی وزیر کوں محکمہ دے کم کار، کارکردگی اتے چیلنجز بارے بریفنگ ݙتی۔ایں موقع تے خطاب کریندے ہوئیں رانا تنویر آکھیے محکمہ دی کارکردگی کوں ٻیا چنڳاں بݨاوݨ سانڳے جامع حکمت عملی تیار کرݨ دی کوشش کیتی ویسی تے اینکوں اعلیٰ معیار تے گھن آیا ویسی اے ڳالھ یقینی بݨیندے ہوئیں ایندے آپریشنز اعلیٰ معیار دے معیارات تے پورے لہن ، اساں محکمے دے اندر میرٹ اتے شفافیت کوں ودھاوݨِ دا پکا عزم رکھیندوں ۔ محکمے اچ بدعنوانی اتے نااہلی کوں کہیں صورت برداشت نہ کیتا ویسی ۔