بیجنگ۔2جون (اے پی پی):وفاقی وزیر منصوبہ بندی، ترقی اتے خصوصی اقدامات احسن اقبال آکھیے جو گوادر بین الاقوامی شہرت یافتہ عالمی معیار دا پورٹ سٹی بݨ ویسی جتھاں عوام سانڳے ٻہوں سارے موقع ہوسن ۔ چین نہ صرف بندرگاہ دی سہولت ݙتی بلکہ لوکاں دی سماجی اقتصادی ترقی اچ وی اہم کردار نبھائے ۔ اے ڳالھ انہاں شنہوا کوں ھک انٹرویو اچ آکھی اے انہاں چین پاکستان اقتصادی راہداری ( …
گوادر عالمی معیار دا پورٹ سٹی بݨسی جتھاں عوام سانڳے ٻہوں سارے موقع ہوسن ،وفاقی وزیر احسن اقبال
بیجنگ۔2جون (اے پی پی):وفاقی وزیر منصوبہ بندی، ترقی اتے خصوصی اقدامات احسن اقبال آکھیے جو گوادر بین الاقوامی شہرت یافتہ عالمی معیار دا پورٹ سٹی بݨ ویسی جتھاں عوام سانڳے ٻہوں سارے موقع ہوسن ۔ چین نہ صرف بندرگاہ دی سہولت ݙتی بلکہ لوکاں دی سماجی اقتصادی ترقی اچ وی اہم کردار نبھائے ۔ اے ڳالھ انہاں شنہوا کوں ھک انٹرویو اچ آکھی اے انہاں چین پاکستان اقتصادی راہداری ( سی پیک) دے تحت گوادر پورٹ دی ترقی دی تعریف کریندے ہوئیں آکھیے جو گوادر ایں خطے دی اہم تے تزویراتی بندرگاہ اے، چین سی پیک دے تحت گوادر سودھے پاکستان دے مختلف شعبیں اچ ترقی اچ آپݨا نمایاں کردار نبھائے۔ انہاں آکھیے جو گوادراچ چین نہ صرف بندرگاہ دی سہولت ݙتی بلکہ لوکاں دی سماجی اقتصادی ترقی اچ وی کردار ادا کیتے ۔احسن اقبال آکھیے چین گوادردے لوکاں سانڳٖ ھک جدید ترین ہسپتال بݨائے جیں اچ کراچی یا لاہور جیہیے وݙے شہراں دے ہسپتالاں وانڳوں چنڳیاں سہولتاں موجود ہن ایویں چین تکنیکی تربیت دا ادارہ قائم کرݨ اچ وی مدد کیتی ایندے علاوہ چین سولر پینلز توں غریب لوکاں کوں بجلی ݙیوݨ اچ وی معاونت کیتی تے مقامی لوکاں دی زندگی کوں بہتر بݨاوݨ سانڳے ٻئے اقدامات وی کیتن ۔ انہاں آکھیے چین گوادر دی ترقی اچ تعاون کیتے تے لیکن اے صرف پہلا قدم اے ، بندرگاہ کوں ٻہوں وݙا سفر طے کرݨا اے ۔
