پاکستان اچ فٹ بال کیتے ٹیلنٹ اتے جذبے دی کوڑی ڳھٹکی کائنی، اساکوں پیشہ وارانہ کوچنگ دی لوڑھ اے، سید یوسف رضا گیلانی

اسلام آباد۔3جون (اے پی پی) چیئرمین سینیٹ سید یوسف رضاگیلانی آکھیا جو پاکستان اچ فٹ بال کیتے ٹیلنٹ اتے جذبے دی کوڑی ڳھٹکی کائنی، اساکوں پیشہ وارانہ کوچنگ دی لوڑھ اے۔ سنوار کوں سینیٹ سیکرٹریٹ موجب اے ڳالھیں انہاں ورلڈ فٹ بال وفد اتے پاکستان فٹ بال لیگ (یوکے) دے اعزاز اچ پارلیمنٹ ہاؤس اچ استقبالیہ تقریب توں خطاب کریندیں ہوئیں آکھی۔ وفد اچ فٹ بال دے نامور بین الاقوامی کھݙاری اتے ماہرین سودھے فرنچائز مالکان شامل ہن جئیں دے اڳواݨ چیئرمین پاکستان فٹ بال لیگ برطانیہ فرحان احمد جونیجو ہن۔ چیئرمین سینیٹ سید یوسف رضا گیلانی آکھیا جو سارے معزز مزماناں کوں پارلیمنٹ ہاؤس آوݨ تے خوش آمدید آکھداں، بین الاقوامی فٹ بالرز، ماہرین، منیجرز اتے منتظمین دے وفد دے اعزاز اچ استقبالیہ تقریب کراوݨ مئیں کیتے خوشی دی ڳالھ اے۔