عوام ماحولیاتی خطرات کوں گھٹاوݨ سانڳے کوششاں اچ ودھ چڑھ تے حصہ گھنے ، وزیر اعظم دی کوآرڈینیٹر ماحولیاتی تبدیلی رومینہ خورشید عالم

اسلام آباد۔5جون (اے پی پی):وزیر اعظم دی کوآرڈینیٹر ماحولیاتی تبدیلی رومینہ خورشید عالم ایں اعتمال دا اظہار کیتے جو وزیر اعظم محمد شہباز شریف دی قیادت اچ حکومت آندے سالاں اچ ماحولیاتی تحفظ دی ھک روشن مثال بݨیسی ، جنگلات اتے جنگلی حیات دے تحفظ سانڳے کوششاں جاری ہن ، عوام ماحولیاتی خطرے کوں گھٹ کرݨ سانڳے کوششاں اچ ودھ چڑھ تے حصہ گھنے۔ انہاں ماحولیات دے جڳ ݙیھاڑ تے پی ٹی وی نال ڳالھ مہاڑ کریندے ہوئیں آکھیے ماحولیاتی تبدیلی، پاݨی اتے خوراک دی حفاظت دے چیلنجز نال نبݨݨ سانڳے حکومت اتےعوامی تعاون دے نال نال میڈیا اچ آگاہی مہم چلاوݨ دی لوڑھ اے ۔ انہاں آکھیے شہریاں اتے میڈیا دا کردار حکومتی یا نجی اداریں توں گھٹ اہم کائنی ، ماحولیاتی تبدیلیاں دا کلیدی حل عوامی شرکت اے۔ رومینہ خورشید عالم آکھیے ماحولیاتی انحطاط کوں روکݨ سانڳے کم کریندے پیوں جݙاں جو مستقبل اچ ماحول کوں چنڳاں بݨایا ونڄ سڳے۔ انہاں آکھیے ساݙی ترجیح فضائی آلودگی تے قابو پاوݨ دے نال مؤثر طریقے نال طبی اتے مضر فضلہ دا انتظام کرݨا اے۔ انہاں آکھیے گلوبل وارمنگ دنیا دے پہاڑی علاقیں اچ گلیشیئرز، ایکو سسٹم، لوکاں دی زندگی اتے معاش کوں متاثر کریندی پئی اے ۔ وزیر اعظم شہباز شریف دی قیادت اچ حکومت ماحولیاتی استحکام اتے آب و ہوا کوں چنڳاں بݨاوݨ سانڳے پوری طرح پرعزم اے ۔